Një 57-vjeçar ka mbetur i plagosur rëndë mbrëmjen e sotme në Korçë, si pasojë e një aksidenti rrugor. Gëzim Pajo po udhëtonte me një motorçikletë, dhe pasi ka humbur kontrollin e mjetit është përplasur me një tjetër automjet, i cili ndodhej i parkuar.
 
Ngjarja ka ndodhur rreth orës 19:50 në lagjen numër 10 të qytetit të Korçës, ndërsa 57-vjeçari është dërguar me urgjencë në spital, në gjendje të rëndë.