Edhe qyteti i Korçës ka hyrë në perimetrin e ‘shtetrrethimit’ të ndalimqarkullimit të mjeteve për të ndaluar koronavirusin, përveç atyre të autorizuara nga policia e shtetit, si autoambulanca apo mjetet që transportojnë mallra apo ofrojnë shërbime. Gjithashtu do të lejohen makinat e mediave, por gjithmonë të shoqëruara me autorizimin përkatës.
Ndalimi do të nis të dielën që në orën 06:00 të mëngjesit dhe do të vijojë deri në një urdhër të dytë.
Në rast se drejtuesit nuk binden, do i nënshtrohen sanksioneve dhe masa administrative deri në pezullime të lejeve të drejtimit si dhe bllokime të mjeteve.
Njoftimi i plotë i policisë
Në kuadër të masave të marra për parandalimin e përhapjes së COVID-19, Drejtoria Vendore e Policisë Korçë, njofton se ditën e dielë, datë 15.03.2020, duke filluar që prej orës 06:00, deri në një njoftim të dytë në të gjithë qarkun e Korçës, do të ndalohet qarkullimi i automjeteve duke përjashtuar ato mjete që janë të autorizuara nga Policia si autoambulanca, mjeteve që kryejnë funksione shtetërore, mjeteve që transportojnë mallra apo që ofrojnë shërbime.
Do të lejohet qarkullimi i automjeteve të mediave të loguara, nëse ato do të pajisen me autorizimin përkatës pranë strukturave të Policisë Rrugore në Komisariatin e Policisë Korçë.
Kontrollet nga patrullat policore të kësaj strukture, do të jenë të pandërprera dhe prezente përgjatë akseve kryesore të qarkut, si edhe në zonat e brendshme, ku vlen të theksohet që në rast se nga ana e drejtuesve të mjeteve do të konstatohen shkelje të këtyre masave, sanksionet do të jenë të rrepta, në masa administrative, pezullime të lejeve të drejtimit si dhe bllokime të mjeteve.
Policia kërkon mirëkuptimin e të gjithë drejtuesve të respektojnë këto kufizime, me qëllim sigurimin e jetës dhe parandalimin e përhapjes së COVID-19.
Për çdo paqartësi mund të na kontaktoni në adresën e emailit [email protected] ose numrin 129 pa pagesë dhe ne do të jemi pranë jush!
Kryetari i Bashkisë Berat, Ervin Demo bëri të ditur se nga dita e nesërme në orën 06:00 të mëngjesi do të ndalohet qarkullimi i mjeteve dhe hyrjet e daljet e tyre në qytet. Ai tha se do të lëvizin vetëm mjetet e akredituara dhe të autorizuara nga policia e shtetit, ndërsa qytetarët që lëvizin pa asnjë arsye do të ndalohen.
‘Të dashur bashkëqytetarë, ju informoj se bazuar në udhëzimet e fundit edhe në Bashkinë Berat, vihet në zbatim ndalimi i qarkullimit/lëvizjes së automjeteve në akset rrugore kryesore - ndërqytetëse dhe ato rurale duke filluar nga ora 06:00 e ditës së nesërme, deri në një udhëzim të dytë. Bashkëpunimi dhe mirëkuptimi juaj, do e bëj më të lehtë këtë situatë. Një falenderim i veçantë për stafet mjekësore dhe policinë e shtetit për punën e realizuar gjatë këtyre ditëve të vështira. Strukturat e Bashkisë Berat do të vazhdojnë në qëndrojnë në gatishmëri për përballimin me sukses të kësaj situate të pazakontë’, shkruan Demo.
Njoftimi i plotë
Në kuadër të masave të marra për parandalimin e përhapjes së COVID-19, Drejtoria Vendore e Policisë Berat, njofton se ditën e dielë, datë 15.03.2020, duke filluar që prej orës 06:00, deri në një njoftim të dytë në të gjithë qarkun e Beratit, do të ndalohet qarkullimi i automjeteve duke përjashtuar ato mjete që janë të autorizuara nga Policia si autoambulanca, mjeteve që kryejnë funksione shtetërore, mjeteve që transportojnë mallra apo që ofrojnë shërbime.
Do të lejohet qarkullimi i automjeteve të mediave të loguara, nëse ato do të pajisen me autorizimin përkatës pranë strukturave të Policisë Rrugore në Komisariatin e Policisë Berat.
Kontrollet nga patrullat policore të kësaj strukture, do të jenë të pandërprera dhe prezente përgjatë akseve kryesore të qarkut, si edhe në zonat e brendshme, ku vlen të theksohet që në rast se nga ana e drejtuesve të mjeteve do të konstatohen shkelje të këtyre masave, sanksionet do të jenë të rrepta, në masa administrative, pezullime të lejeve të drejtimit si dhe bllokime të mjeteve.
Policia kërkon mirëkuptimin e të gjithë drejtuesve të respektojnë këto kufizime, me qëllim sigurimin e jetës dhe parandalimin e përhapjes së COVID-19.
Për çdo paqartësi mund të na kontaktojne në numrin 129 pa pagesë dhe ne do të jemi pranë jush!
Komente
Lajme të tjera
-
FOTO/ Kërkimet arkeologjike nënujore në Lin të Pogradecit, Rama: Brenda vitit e shpallim zonë të mbrojtur arkeologjike
27 Korrik, 15:55 -
Regjistrohet rasti i parë i variantit të koronavirusit ‘Pirola’ në Ukrainë
8 Nëntor 2023, 09:54 -
Agjencitë e inteligjencës në SHBA të ndara për origjinën e koronavirusit
25 Qershor 2023, 14:09 -
Rikthehen viruset tek fëmijët pas pandemisë
19 Qershor 2023, 08:14 -
COVID-19, Organizata Botërore e Shëndetësisë shpall fundin e emergjencës globale! Vlerësimi: 20 mln njerëz humbën jetën
5 Maj 2023, 16:17 -
Gjermanët padi për dëme të shkaktuara nga vaksinat ndaj COVID
13 Prill 2023, 08:24 -
Korrupsion me respiratorët gjatë pandemisë 'Covid 19', kryeministri i Federatës së Bosnjës dënohet me 4 vite burg
5 Prill 2023, 11:01 -
Shëndetësia/ Meta: Pandemia e provoi dështimin e qeverisë, falsifikuan shifrat! Ne do të rrisim me 50% pagat për ‘bluzat e bardha'! 5% financim të GDP për buxhetin
31 Mars 2023, 11:25 -
OBSH i kërkon Kinës të publikojë të gjitha të dhënat e lidhura me origjinën e COVID-it
18 Mars 2023, 21:11 -
SHBA pritet të ndërpresë testimin e detyrueshëm për COVID-19 për udhëtarët nga Kina
8 Mars 2023, 14:08 -
A e ka virusi Corona origjinën nga laboratori?
4 Mars 2023, 21:11 -
Origjina e virusit mbetet ende mister dhe tre vjet pas pandemisë
28 Shkurt 2023, 20:18
Berat di merda,,qytet hale....
Përgjigju