Ndërkaq sipas të dhënave nga kjo qendër mësohet se situata problematike ka përfshirë të gjitha qendrat e vendit dhe kjo mungesë do të jetë deri në muajin maj dhe se për këtë ka ndikuar tenderi që ka shpallur Ministria e Shëndetësisë për të blerë medikamentin i cili është e vështirë të sigurohet në farmaci.
Të indinjuar ata shprehen se në mungesë të preparatit që është zëvendësues i drogës, kryesisht heroinës përdoruesit të cilët ishin duke u trajtuar me metadon i janë rikthyer përdorimit të heroinës.
“Sinqerisht po e them që kam pirë prapë. Kam pirë për arsye se nuk po marrim ilaçin. Jam i detyruar të marr drogë e të shkatërroj familjen, jam i detyruar të ngrihem në mëngjes e të dhunoj familjen dhe sipas kësaj pa ilaçin çdo gjë na faturohet ne, i jam rikthyer drogës tani”, shprehet një nga të droguarit.
Për këtë persona situata bëhet e pazgjidhshme edhe për shkak se në Korçë nuk ka një mjek toksikolog me të cilin mund të konsultoheshin përdoruesit e drogës për të gjetur një tjetër mundësi për trajtim.
Redaksia Online
Al.N/Shqiptarja.com