Korçë, ndalohet furgoni me 10 emigrantë të paligjshëm! Arrestohen transportuesit

KORÇE- Katër persona janë arrestuar pasi akuzohen për dhënie ndihme të shtetasve të huaj, kundrejt pagesave, për kalim të paligjshëm të kufirit. 

Në kuadër të operacionit "Midnight 22", u arrestuan Alvin Dylgjeri, Anxhelino Dobra, Mandi Hysa dhe Bledar Gurra.

Në aksin rrugor “Korçë-Pogradec”, në afërsi të vendit të quajtur Qafë Plloçë, shërbimet e Policisë kanë ndaluar automjetin furgon tip “Benz”, me drejtues shtetasin Bledar Gurrën dhe pasagjer shtetasin Mandi Hysa.

“Gjatë kontrollit të ushtruar në automjet u konstatuan 10 emigrantë të paligjshëm, të cilët do të transportoheshin nga këta shtetas kundrejt pagesës, drejt vendeve të BE-së” informoi sot policia.

Në vijim të këtij operacioni, u kapën dhe u vunë në pranga edhe dy shtetasit e tjerë Alvin Dylgjeri, Anxhelino Dobra, të cilët u konstatuan në afërsi të fshatit Çiflig, Korçë, me automjetin tip “Benz”, ku nga hetimet e kryera rezultoi se ishin bashkëpunëtorë në këtë veprimtari të paligjshme.

Gjatë kontrollit fizik të ushtruar 38-vjeçarit, Dylgjeri iu gjet një sasi e vogël me lëndë të dyshuar narkotike kokainë e cila iu sekuestrua në cilësinë e provës materiale së bashku me dy automjete, 4 celularë dhe një shumë parash.

S.G/r.k./Shqiptarja.com

TAG:
• Korce
• Alvin Dylgjeri
• Anxhelino Dobra
• Mandi Hysa
• Bledar Gurra