Koronavirus/ Belgjika njofton lehtësimin gradual të masave, nga 4 maji bizneset, shkollat ​​dhe jeta shoqërore rifillon me faza

Belgjika njofton se gradualisht do të heqë kufizimet për koronavirusin gjatë muajit maji, duke lejuar që bizneset, shkollat ​​dhe jetën shoqërore të rifillojnë në disa faza.

Sipas kryeministres belge, Sophie Wilmes, bllokimi do të fillojë të lehtësohet nga 4 maji, kur do të hiqen kufizimet për sportet në ajër të hapur dhe transportin publik.

Të gjitha bizneset do të lejohen të rihapen nga 11 maji dhe shkollat ​​nga 18 maji. Përtej kësaj, vendet e tjera publike, të tilla si kafene, bare, restorante, mund të rihapen gradualisht në qershor.

Wilmes tha se përhapja e virusit ishte ngadalësuar në Belgjikë, por theksoi se situata ishte ende kritike.

"Asgjë nuk është e bardha mbi të zezë," tha Kryeministrja.

Belgjika shpalli një bllokim mbarëkombëtar për krizën e koronavirusit më 18 mars, duke ndjekur shembullin e disa vendeve evropiane.

Nga të dhënat e bëra publike, deri tani vendi ka shënuar 44,293 raste të konfirmuara të koronavirusit, 6,679 vdekje dhe 10,122 persona të tjerë të shëruar pas infektimit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kush i fiton zgjedhjet e pjesshme vendore të 6 marsit?



×

Lajmi i fundit

John

Takimi i ‘sikletshëm’ virtual i Putinit dhe biznesmenëve italianë, mes tensioneve të perëndimit