Je vetëkarantinuar nga koronavirusi? Rama: Shteti paga punonjësve të privatit, s'i mbyllim fabrikat, dy gjërat që do i kërkoj Presidentes së KE-së

TIRANE-Kryeministri Edi Rama u kërkoi qytetarëve që të zbatojnë ligjin special, aktin normativ për masat kundër përhapjes së koronavirusit. Kërkesat për mbylljen e sipërmarrjeve private dhe fabrikave, kreu i qeverisë i hodhi poshtë duke deklaruar se nëse do të ndodhte një gjë e tillë do të ishte vetëvrasje. Kryeministri tha se asnjë vend nuk e ka përfshirë pjesën kritike të zinxhirit ekonomik në planin drastik të kufizimit, as Italia nuk i ka mbyllur fabrikat dhe as Izraeli.

"Të dashur qytetarë koha që po kalojmë është një luftë botërore nervash ku kush nguron të bëjë gjënë e duhur, dhe kush ndalon lirinë e fjalës me detyrim për të zbatuar këshillat, kush dorëzohet e paguan nesër shtrenjtë.  Ju kërkoj vetëm të bëni durim dhe të dëgjoni lutjen për të mirëkuptuar për masën e jashtëzakonshme të vështirësisë. Të bombarduar me gjithë cfarë lajmesh, ju keni të drejtë të ankoheni, të mendoni se e dini më mirë, të acaroni dhe më shani, por askush nuk ka të drejtë të vendosë në diskutim dobinë jetike dhe të shkelë ligjin special që më ka rënë mua barra ti komunikoj.

Askush nuk e di sa mund të zgjasë kjo luftë. Ju lutem ta kuptoni se të mbyllësh aktivitetin prodhues është si të heqësh aparatin frymëmarrës. Kjo do të ishte vetëvrasje drejtuar një populli të tërë dhe nuk ka për të ndodhur. Vendimi nuk do të thotë sakrifikim i shëndetit të atyre që duhet të shkojnë në punë. Ne ishim të parët që mbyllëm shkollat. Asnjë vend nuk e ka përfshirë pjesën kritike të zinxhirit ekonomik të planit drastik të kufizimit, as Italia nuk i ka mbyllur fabrikat, as Izraeli.

Sikur shërbimi shëndetësor, ushqimin, ilaçet, dritat, uji, siguria, pensionet, rrogat e atyre që sot nuk janë në punë por në shtëpi por s’mund të jetojmë muajin tjetër me ajër kuptohet, të mos vareshin nga paratë që prodhon zinxhiri ekonomik i vendit por të vinin nga qielli atëherë me të drejtën e zotit, unë që më qëlloi të jem sot lideri juaj dhe që edhe sikur të jap çdo gjë që kam, nuk kam si i iki kësaj përgjegjësie, duhet të varesha nga këmbët madje në sheshin Skënderbej, për mosmbylljen e të gjitha veprimtarive prodhuese".

Kryeministri një përgjigje e kishte edhe për propozimet e opozitës, që nuk i ka kursyer sulmet në ditët e fundit. “Kam dëgjuar kohët e fundit kaq miliard do japë Amerika dhe kaq Gjermania, nga ata që nuk kanë asgjë në dorë dhe që e kanë kollaj t’ju japin edhe nënë e babë. Ata jua kam lënë juve t’i gjykoni sot dhe të mos i harroni nesër, për të gjitha çudirat që ju thonë, pa pasur asgjë në dorë dhe asnjë minimum ndërgjegjeje, në këtë luftë ku nuk bëhet politikë mes partive, por zhvillohet një betejë pëllëmbë për pëllëmbë, mes një populli të tërë dhe një armiku të padukshëm që i kanoset të dashurve tonë, më të moshuarve dhe më të dobëtëve fizikisht”, tha Rama.

Rendit zhvillimet sipas orarit:

Të Fundit Të Parat

TAG:
• koronavirusi ne shqiperi