POP 5

Lajmet më të lexuara të 5 minutave të fundit

Sociale

Korret gruri i Maliqit, prodhim i bollshëm, çmim i ulët! Fermerët duan subvencione (VIDEO)

Maliqi, një ndër hambarët më të mëdhenj të grurit në vend po mbledh prodhimin. Fermerët thonë se i janë rikthyer kësaj kulture bujqësore dhe prodhimi është i kënaqshëm, por problem për ta mbetet çmimi i ulët në treg. Ndjekim raportimin e gazetares sonë, Gladiola Hoxha e cila ka shkuar në Maliq në ditët e fundit të korrjes së grurit.

Kultivimi i grurit për fermerët e fushës se Maliqit është një tradite e hershme. Sipërfaqja e mbjellë në këtë zonë arrin në 3 200 ha, ç'ka vihet re rritja e kultivimit të grurit krahasuar me një vit më parë.

Fermerët po marrin prodhimin që këtë vit ka qenë i bollshëm, por problem për ta mbetet çmimi i ulët në treg.

"Çmimi është i ulët, 30 lekë të reja na ka ardhur sivjet. Nuk mbulohet kostoja. 10 është plugimi,  veza është 10 lekë, fara është 10 lekë, mbjellja me 5 lekë", tha një fermer.

Ata kërkojnë që shteti të japë subvencione për të gjithë kultivuesit e drithërave, pasi shpenzimet janë të larta, ndërsa çmimi i shitjes 30 lek për kg.

“Kanë njëfarë interesi fermerët që kultivojnë edhe mbjellin grurin, por çmimi siç e shikoni dhe vetë është shumë i ulët. Ndoshta duhet të ndërhyjë me subvencionime. Çdo gjë është me kosto të madhe duke filluar që nga plehërimi, spërkatjet, plugimet, të gjitha. Po ta shikoni dhe vetë rruga është me shumë probleme, e pashtruar e parregulluar. Kemi shumë probleme me transportin", u shprehën fermerët.

Pavarësisht vështirësive, shumica e familjeve në fshatin Libonikë të Maliqit kultivojnë këtë kultura bujqësore sepse toka është e përshtatshme dhe jep rendimet të lartë. Ata shprehen se e mbjellin grurin për konsum familjar ndër tepricat i sheshin në fabrikat e miellit.

"Venë me rendimentin, 5 deri në 6 kuintal për ha, sivjet prodhimi është i bollshëm por problem mbetet çmimi i ulët. Unë kam magazinë, por pjesa më e madh që s’kanë magazinë e shpien në fabrikat të miellit, me një çmim që e kanë vendosur ata. se nuk ka ku ta çoj. Fshatari është i detyruar të lëshojë, se ka ku e çon të mbaj pjesën e vet dhe pjesën tjetër e çon në fabrikë me një çmim 300 lekë të vjetra, aq është këtë vit", tha fermeri.

Maliq njihet për prodhimin e grurit dhe është hambari i dytë pas Lushnjes. Andaj edhe ky i ri vjen çdo vit nga Kavaja për të punuar këtu me autokombajnë.

“Personalisht, kam 15 vite që vij në Korçë. Kam ardhur i vogël këtu dhe njihem me të gjithë fermerët dhe zonën. Kemi punuar mirë, nuk na e ka kthyer kush po çmimi është ky që është. Ketë ia vlen të vish, kënaqesh edhe me prodhimin se në Kavajë nuk ka as prodhim", tha një fermer.

Në të gjithë qarkun e Korçës në total ka 11970 ha toke të mbjella me grurë. 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pjeter: 22/07/2020 19:57

    Po te shofesh çmimet qe jane ne France dhe ne Italine e veriut,ne France eshte mesatarisht 265 euro per ton,ne Italine e veriut aty tek 285 euro toni.Po ti beni pak llogarite,i bie aty tek 350 lek te vjeter kg,ne Itali, dhe 300 lek ne Shqiperi.Tani kuptojme qe per Fshatarin e shkrete jane pak,por ti kerkojme shtetit te gjithe,dikush duhet ti paguaje,nuk vijne nga qielli.

    Përgjigju
  • BENI: 22/07/2020 17:43

    NE MALIQ TE VIHET NE PUNE KOMBINATI I SHEQERIT......NUK KEMI PSE TE BLEJME SHEQER JASHTE..

    Përgjigju
  • Sondazhi i ditës:

    A duhet prokurorëve të SPAK-ut t'u jepet e drejta e rikandidimit?

Lajme të tjera



×

Lajmi i fundit

Një letër për studentin e gazetarisë në kohën e marrëzisë

Një letër për studentin e gazetarisë në kohën e marrëzisë

4 Maj, 00:25 nga Lutfi Dervishi