Sipas praktikës juridike duhen siguruar 2/3 e votave, që do të thotë se Kosovës i duhen 36 nga 54 votat në total. Praktikisht Kosova është e pranuar, pasi deri tani e kanë njohur 37 vende në Europë.
Nëse Kosova do të pranohet nga UEFA atëherë do të marrë pjesë në eliminatoret e kampionatit Botëror që do të zhvillohet në Rusi.
Fadil Vokrri
Presidenti i Federatës Kosovare të Futbollit pas pranimit të kërkesës u shpreh i lumtur duke i dhënë një meritë të vecantë presidentit të UEFA-s, Platini, që sipas Fadil Vokrrit ka qenë pro Kosovës. “Kjo është një fitore e vogël, që shpie drejt një fitoreje të madhe.
Mendoj se është një hap i rëndësishëm, pasi që tani nuk varet pranimi nga neni i OKB-së. Mendoj se së pari ndikoi vullneti i mirë i vetë presidentit Platini, por edhe Duka me Shuker”, tha ai, duke i dhënë merita edhe presidentit të federatës së Kroacisë, Davor Shuker.
Serbët
Presidenti i FFS, Karaxhic, por edhe mediat serbe nuk e kanë pritur mirë lajmin për Kosovën. UEFA i tha Kosovës: Prit. Kosova duhet të presë edhe gjashtë muaj, deri në Kongresin e rregullt, që mbahet në mars 2016 në Budapest”, ka shkruar ‘vesti-online’.
Eksodi
Nëse Kosova pranohet në UEFA rrezikohet që të shpërbehet Kombëtarja Shqiptare, pasi shqiptarët nga Kosova përbëjnë boshtin e ekipit kuqezi. Aktualisht lojtarët me origjinë nga Kosova që luajnë për Shqipërinë janë 17
“Etrit Berisha, Lorik Cana, Mërgim Mavraj, Herolind Shala, Arlind Ajeti, Berat Gjimshiti, Debatik Curri, Amir Abrashi, Burim Kukeli, Migjen Basha, Vullnet Basha, Taulant Xhaka, Ermir Lenjani, Valdet Rama, Alban Meha, Amir Rrahmani e Shkëlzen Gashi.
Pa llogaritur ata që janë pjesë e kombëtareve të moshave. Më parë kapiteni Cana nuk e ka mirëpritur vendimin për dy kombëtare duke theksuar se një komb duhet të ketë vetëm një kombëtare.
Mediat
Reuters pas vendimi të KE shkruan se "Kosova do të bëhet anëtare e 55 e UEFA-s në mars të vitit të ardhshëm. Nëse aprovohet një gjë e tillë që edhe pritet të ndodhë, Kosova do të bëhet anëtare me të drejta të plota e FIFA-s në kongresin vjetor që mbahet vitin e ardhshëm në maj në Mexico City".
d.b/shqiptarja.com
Lajme të tjera
-
Serbia intensifikon lobimin e saj në Perëndim
28 Korrik 2023, 16:56 -
Skandali i lobimit të Katarit në PE, zv. Presidentja jep dëshminë: I kërkova tim ati të merrte paratë nga shtëpia ime, nuk ishin të mijat
16 Dhjetor 2022, 21:26 -
Deputetët francezë kërkojnë komision hetimor për financimet ruse në politikë, akuzojnë partinë e Le Pen
24 Shtator 2022, 17:23 -
Dosja e SPAK, Petrit Vasili firmosi kontratat e lobimit të Metës me para të dyshimta, nuk u deklaruan në KQZ dhe ILDKP! Rrezikon të merret i pandehur
11 Korrik 2022, 16:26
-
Ato ditë kur presidenti ngjizte lobing me 700 mijë dollarë
22 Qershor 2022, 09:58
-
Gazetarja Xharra: Politikanët kanë paguar për lobimin e tkurrjes së Kosovës
8 Qershor 2020, 23:00
