Kosova sot voton për zgjedhjen
e kryetarëve të 25 komunave
Sot Kosova zgjedh në balotazh kryetarët e 25 nga 38 komunat e Kosovës, pasi në raundin e parë në 3 nëntor u zgjodhën vetëm në 13 komuna, ku u kalua 50 përqindëshi i nevojshëm i votave.
PRISHTINE - Sot Kosova zgjedh në balotazh kryetarët e 25 nga 38 komunat e Kosovës, pasi në raundin e parë në 3 nëntor u zgjodhën vetëm në 13 komuna, ku u kalua 50 përqindëshi i nevojshëm i votave. Në balotazh garojnë 50 kandidatë, në secilën komunë dy kandidatët që fituan numrin më të madh të votave në raundin e parë.
Në zgjedhjet e balotazhit në 1 dhjetor numri i votuesve është 1 371 524, për të cilët do të jenë të hapura 1 816 vendvotime në 594 qendra, që nga ora 7 deri në orën 19. Po ashtu, nesër do të ketë edhe rivotim, në një komunë në veri të Kosovës, atë të Zveçanit, sipas vendimit të KQZ-së që të përsëris votimin në tre vendvotime atje.
"Kujdes i veçantë do t’i kushtohet veriut në rrethin e dytë të votimit për kryetar komune në veri të Mitrovicës dhe rivotimit të pjesshëm në Zveçan", është paralajmëruar nga Policia e Kosovës, EULEX-i dhe KFOR-i, në një deklaratë të përbashkët, ku theksohet se "masat e sigurisë të parapara me rastin e balotazhit në zgjedhjet për kryetarë të komunave në gjithë Kosovën të dielën, në 1 dhjetor, janë planifikuar, përgatitur dhe koordinuar me kujdes".
Misioni i Bashkimit Evropian për Vëzhgimin e Zgjedhjeve ka shpërndarë dje 31 vëzhgues afatshkurtër në tërë Kosovën për të monitoruar balotazhin. Gjithsej numri i vëzhguesve të BE-së në ditën e zgjedhjeve do të jetë 71, me shpërndarjen shtesë të vëzhguesve nga ambasadat lokale krahas 20 vëzhguesve afatgjatë dhe ekspertëve nga ekipet qendrore që kanë qenë të pranishëm në Kosovë për disa javë për të vlerësuar tërë procesin e zgjedhjeve.
Rrjeti Evropian i Organizatave për Vëzhgimin e Zgjedhjeve (ENEMO) nesër, në ditën e zgjedhjeve, do të ketë 28 vëzhgues të ndarë në 14 ekipe afatshkurta të vëzhgimit, të cilat do të vëzhgojnë hapjen e vendvotimeve, gjendjen gjatë votimit në vendvotime, ambientin rreth vendvotimeve dhe numërimin e votave.
Koalicioni i OJQ-ve Demokracia në Veprim për raundin e dytë të 1 dhjetorit ka trajnuar gjithsej 1600 vëzhgues, të cilët do të monitorojnë procesin zgjedhor, ndërsa secili votues mund të ketë edhe një rol vëzhguesi, pasi Fondacioni i Kosovës për Shoqëri të Hapur do të vazhdojë me fushatën Voto dhe Vëzhgo edhe në ditën e balotazhit.
Numri telefonik 500 88 do të jetë në dispozicion të qytetarëve për të lajmëruar parregullsitë eventuale që i shohin në vendvotime, ndërsa mesazhet do të jenë falas dhe anonime. Fushata pesëditore e balotazhit ka përfunduar mbrëmë, ndërsa sot Kosova është në heshtje zgjedhore.
Redaksia online
(ac/shqiptarja.com)
Sondazhi i ditës:
'Rasti Qefalia', a fshihen gjobat pas akuzave të Këlliçit, Nokës, opozitës?
-
Po
69.1%
-
Jo
19%
-
Ndoshta
11.8%
Vota total: 2378
Votat totale janë unike
Lajme të tjera
-
Zgjedhjet në Himarë/ 23 mijë e 74 qytetarë me të drejtë vote! KQZ miraton numrin e fletëve të votimit
20 Korrik, 13:00
-
Zgjedhjet në Himarë, Kolegji Zgjedhor: KQZ të paraqesë projektvendim të ri për afatet
17 Korrik, 14:55
-
PS padit KQZ në Apel: Të miratojnë menjëherë afatet për zgjedhjet në Himarë
15 Korrik, 09:58
-
Zgjedhjet në Himarë/ Celibashi nuk tërhiqet: Heqja e mandatit të Belerit, e drejtë! Vendimi i komisionit rregullator nuk pengon procesin
11 Korrik, 14:38
-
Opozita merr shumicën e komisionerëve të KZAZ në Himarë
11 Korrik, 14:00
-
Dekriminalizimi/ KQZ nis verifikimin e kryebashkiakut të PS në Malësisë së Madhe! PD e akuzon Tonin Marinaj për trafik droge në Itali
11 Korrik, 12:35
-
‘Zgjedhorja’ ambasadori i OSBE-së apel: Emigrantët të votojnë! PD-PS pranojnë dështimin e Reformës, fajësojnë njëra-tjetrën
9 Korrik, 10:23
-
Mero Baze: Pse PD është shqetësuar nga zgjedhjet e reja të 4 gushtit
5 Korrik, 21:03
-
Fatura e zgjedhjeve të 2025-ës më 'e kripur' se e 2021! Qeveria planifikon 20 mln euro, por KQZ kërkon 66 mln euro: Për teknologjinë, votim elektronik në 8 bashki
5 Korrik, 14:05
-
U dënua për blerje votash, Fredi Belerit i hiqet mandati si kryetar i Himarës! Mbrojtja: Ta shkarkonte Rama! Dule: Vijojmë përballjen ligjore
5 Korrik, 10:02
-
Pas kërkesës së PD për verifikimin e kryebashkiakut të Malësisë së Madhe, Prokuroria e Përgjithshme vihet në lëvizje! Letër KQZ
4 Korrik, 14:30
-
Fredi Beleri kërkon të jetë në seancë, shtyhet për nesër vendimi i KQZ për mandatin si kryebashkiak i Himarës
4 Korrik, 11:29