/ATSH/.-Delegacioni i Kuvendit të Republikës së Kosovës i përbërë nga deputetët,  Zenun Pajaziti dhe  Nenad Rashiç , po marrin pjesë në Seminarin Rose-Roth, të 88-të, në Beograd,  të organizuar nga Asambleja Parlamentare e NATO-së.

Kuvendi i Republikës së Kosovës në aktivitetet e Asamblesw Parlamentare të NATO-së ftohet në cilësinë e vëzhguesit, status ky i fituar që nga qershori i vitit  2014. Seminari me temë "Serbia, Ballkani Perëndimor, dhe Komuniteti Euro-Atlantik", filloi me  31 mars dhe do të mbarojë më 2 pill 2015.

Gjatë seminarit do të diskutohen pika të ndryshme me rëndësi për Ballkanin Perëndimor, duke përfshirë integrimin Euro-Altantik, bashkëpunimin rajonal, luftën kundër korrupsionit dhe krimit të organizuar.   Të enjten më 2 prill, pikë e rendit të ditës  e seminarit do të jetë "Dialogu mes Beogradit dhe Prishtinës: Rruga Përpara", bëhet e ditur në njoftimin e sapodërguar nga Kuvendi kosovar.

Deputeti shqiptar  Zenun Pajaziti është nga Partia Demokratike e Kosovës,  ndërsa deputeti serb në Kuvendin e Kosovës, Nenad Rashiç, i Partisë Demokratike Progresiste (Progresivna Demokratska Stranka -PDS), pa grup parlamentar.