Kosovë, partitë opozitare kundër
bisedimeve me Serbinë

Tre parti opozitare në Kosovë, lëvizja Vetëvendosje, Aleanca për Ardhmërinë e Kosovës dhe Nisma për Kosovën, kanë kërkuar gjatë ditës së djeshme ndërprerjen e bisedimeve mes Kosovës dhe Serbisë.

Në një konferencë të përbashkët ata u shprehën se takimi i cili u mbajtje në Bruksel për normalizimin e marrëdhënieve mes dy vendeve, është tërësisht në funksion të interesave të  Serbisë dhe aspak në interes të Kosovës.

Përfaqësuesit e opozitës kanë kërkuar përfshirjen në bisedime, ndërkohë thanë se janë duke u përpjekur që të mbledhin parlamentin në një seancë të jashtëzakonshme në lidhje me bisedimet që janë duke u zhvilluar mes dy vendeve.

Nga ana tjetër në Kosovë janë shtuar zërat për ndërprerjen e bisedimeve mes Kosovës dhe Serbisë, ndërkohë qeveria e Kosovës i ka vlerësuar bisedimet si alternativën e vetme për zgjidhjen e problemeve në marrëdhëniet me Serbinë.

Redaksia Online
D.T/Shqiptarja.com