Rithemelimi pa lekë, partitë politike marrin 345 mln lekë nga buxheti i shtetit për vitin 2024! ‘Torta’ ndahet mes PS-së dhe PD-së

TIRANË- Komisioni Qendror i Zgjedhjeve ka miratuar fondet vjetore për partitë politike për vitin 2024. Në total, 11 parti politike kanë marrë nga buxheti i shtetit 345.6 milionë lekë. Pjesën më të madhe të fondit e merr Partia Socialiste me mbi 151.4 mln lekë. Partia Demokratike vjen e dyta, me 106 mln lekë dhe e treta Partia e Lirisë me 15.5 mln lekë.

Partia Republikane merr 11.4 mln lekë, PDIU merr 9.7 mln lekë, ndërsa social demokratët 12.3 mln lekë. PBDNJ, PAA, PLL dhe LZHK përfitojnë nga 8 mln lekë. Ndërkohë, Rithemelimi i Sali Berishës mbetet pa financim, që nuk njihet zyrtarisht si subjekt politik, as në gjykatë, e rrjedhimisht as nga Komisioni Qendror i Zgjedhjeve.

Me shpërndarjen e këtye fondeve, vijon të mbetet dilemë fakti se me çfarë parash, kur nuk përfiton nga buxheti i shtetit, Rithemelimi dhe ata që i janë bashkuar bëjnë aktivitetet politike, takimet elektorale, por edhe protestat që kanë thirrur në thuajse dy vite.

LEXO EDHE:
Resortet ‘brand name’ me 4-5 yje pa taksa deri në 2026-ën! Blendi Klosi depoziton projektligjin në kuvend

Në rast se gjykata ende nuk ka vendosur, ose në rast se ajo do e lërë vulën në dorën e Lulzim Bashës, Berisha nuk do të përfitojë jo vetëm fonde vjetore, por as për fushatën e zgjedhjeve të 2025, ku do të dalë me kandidatët e tij për deputetë.

TAG:
• kqz
• PS
• PD

Sondazhi i ditës:

Si e vlerësoni punën e qeverisë gjatë vitit 2024?

• Pozitivisht

  64.1%

• Negativisht

  29%

• Nuk kam mendim

  6.9%

Vota total: 924

Votat totale janë unike

• Sondazhi i ditës:

  Si e vlerësoni punën e qeverisë gjatë vitit 2024?

  Pozitivisht Negativisht Nuk kam mendim