POP 5

Lajmet më të lexuara të 5 minutave të fundit

Politikë

KQZ shpërndan kutitë votimit në të
gjitha KZAZ, masa të larta sigurie

Me 25 qershor 3 milion e 452 mijë e 260  shqiptarë me të drejtë vote do tu drejtohen kutive të votimit për të zgjedhur parlamentin e  4 viteve të ardhshme.  VIDEO
Me 25 qershor 3 milion e 452 mijë e 260  shqiptarë me të drejtë vote do tu drejtohen kutive të votimit për të zgjedhur parlamentin e  4 viteve të ardhshme.
 
Për mbarëvajtjen e këtij procesi  komisioni qendror i zgjedhjeve  ka marrë të gjitha masat, sipas ligjit,  shqiptarët të shkojnë të lirë  e të votojnë këtë të diel.
 
Ndërsa ana ligjore e procesit diskutohet në tryezën e KQZ,administrimi i materialeve  bëhet në terren.
 
Të shtunën e  shkuar, praktikisht një javë para mbajtjes së zgjedhjeve,  mbërritën në Shqipëri fletët e votimit dhe materialet zgjedhore të cilat u printuan nga një kompani greke.
 
Gjithçka u krye nën masa të rrepta sigurie.
Pas këtij moment në Lundër aty ku u magazinuan fletët e votimit,  administrate  e KQZ u mor me përgatitjet për shpërndarjen e kutive të fletëve të votimit e të materialeve zgjedhore.
 
Për dy ditë me radhë KQZ,  ka vijuar me procesin e  shpërndarjes së kutive të fletëve e të materialeve zgjedhore, duke nisur nga qarqet e largëta  e për ta mbyllur këtë të mërkurë me qarqet më afër Tiranës.
 
Këto kuti votimi  do të shpërndahen në 90 KZAZ në të gjithë vendin. Zëdhënësja e KQZ  Drilona Hoxhaj konfirmon se procesi është I gjithi transparent  për të gjithë aktorët dhe faktorët në vend.
 
 Hoxhaj veçon si risi në këtë proces vendosjen e maskave me alfabetin brail në të gjitha qendrat e votimit për  të verbërit.
 
Kutitë e fletëve të votimit e të materialeve  zgjedhore do të shpërndahen në 5362 qendra votimi, nga të cilat 21 qendra konsiderohen të posaçme pasi do të vendosen nëpër burgje. 
 
Specialisti pranë drejtorisë së logjistikës në KQZ Julian Bytyci thotë se  gjithë procesi është monitoruar dhe ndjekur  në mënyrë transparente që prej ditës së shtunë e deri më sot me kamera 24 në 24 nga subjektet politike dhe cdo palë që  duhet të informohet për këtë proces.
 
Kutitë e fletëve të votimit dhe të materialeve zgjedhore  janë shoqëruar nga makinat e  policisë për tu shpërndarë nëpër rrethe. Në përputhje me kodin zgjedhor policia i ndjek këto automjete në distancën  e kërkuar nga ligji.
 
Kompania greke  që u kontraktua për printimin e fletëve të votimit për zgjedhjet  parlamentare të 25 qerhsorit ka prodhuar gjithsej 3 milion e 518 mijë e 657  fletë, 20 përqind më shumë se sa numri i zgjedhësve,  ashtu sic e parashikon kodi zgjedhor për një proces zgjedhor.
 
Në këto kushte kqz siguron që kutitë  e votimit do të jenë ditën e diel në cdo qendër votimi  në të gjithë Shqipërinë dhe se administrimi I këtij procesi po kryhet konform ligjit elektoral dhe në transparencë të plotë. 


Redaksia Online
Al.N/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Rama inspekton fushën sportive në shkollën ‘Adem Haxhija’ në Postribë! Manastirliu: 6 milionë euro për investimet në Shkodër

Rama inspekton fushën sportive në shkollën ‘Adem Haxhija’ në Postribë! Manastirliu: 6 milionë euro për investimet në Shkodër

10 Janar, 17:15