Kreu i bashkisë, Safet Gjici mesazh kuksianëve: Dhe unë qëndrojë në shtëpi njësoj si ju

Rregulli i vetizolimit dhe qëndrimit në shtëpi nuk është vetëm për qytetarët e thjeshtë por dhe politikanë e kryebashkiakë, ku pas thirrjes së Ramës nga shtëpia e tij në Surrel për të qëndruar brenda, edhe kryetari i Bashkisë së Kukësit u ka bërë të njëjtën thirrje të gjithë qytetarëve kuksianë të zbatojnë masat e kufizimit të lëvizjes dhe të higjienës personale.

Përmes një videomesazhi nga shtëpia e tij në fshatin Bushtricë të Kukësit, Safet Gjici thotë se duhet të kuptojmë që kjo nuk është një lojë, por "luftë" me Covid19, të cilën mund ta fitojmë vetëm duke qëndruar në shtëpi.

‘Të dashur qytetarë të Kukësit! DUHET të kuptojmë që kjo nuk është një lojë, por "luftë" me Covid19, të cilën mund ta fitojmë vetëm duke qëndruar në shtëpi.

JU LUTEM shmangni çdo lloj dalje të panevojshme në kafene, tregje, sheshe, rrugë.

ËSHTË ndaluar lëvizja e mjeteve të transportit publik autobus, furgon dhe mjete të tjera private  në destinacionet nder-qytetase dhe me Njësitë Administrative te Bashkisë Kukës.

Policia e Shtetit ka marrë detyrë për ndalimin e lëvizjes së këtyre mjeteve . Lejohen vetëm mjetet e transportit mallrave, farnacuetike dhe autoambulancat e personel mjekësor’ thuhet nder te tjera ne videomesazhin e kryebashkiakut Gjici.

Lajmi kryesor:

Rama nga shtëpia: Kush do lëvizë me makinë i hiqet patenta dhe s'do lejohet të rinisë kursin! Heqje licence ushqimoreve dhe farmacive që rrisin çmimet (VIDEO)

TAG:
• edi rama
• Koronavirus
• koronavirusi ne shqiperi