POP 5

Lajmet më të lexuara të 5 minutave të fundit

Kronikë

Krimet e Rënda shtyjnë me tre muaj hetimet për ish-ministrin e Brendshëm Saimir Tahirin (Dokumenti)

Burime për Report Tv pranë Krimeve të Rëndë bëjnë me dije se shtyrja e hetimeve është bërë për kryerjen e disa verifikimeve shtesë që do të ndihmojnë lidhur me zbardhjen e çështjes. Katër prokurorët e çështjes kanë administruar përgjigjet e letër-porosive të mbërritura nga Greqia, Italia dhe Mali i Zi.

TIRANË- Prokuroria e Krimeve të Rënda ka vendosur shtyrjen për herë të katërt me tre muaj të hetimeve për ish-ministrin e Brendshëm Saimir Tahirin. Afati për përfundimin e hetimeve për ish-ministri do të skadonte ditën e nesërme më 17 janar. Shtyrja e hetimeve u njoftua nga Shqiptarja.com dhe Report Tv dy ditë më parë ndërsa sot ka siguruar dokumentin nga Prokuroria.

Dokumenti për shtyrjen e hetimeve të ish-ministrit të Brendshëm, Saimir Tahirit

Afati në total për këtë çështje është 2 vite e 1 muaj dhe për shkak të shtyrjes ka mbetur edhe 1 vit kohë. 

Burime për Report Tv pranë Krimeve të Rëndë bëjnë me dije se shtyrja e hetimeve është bërë për kryerjen e disa verifikimeve shtesë që do të ndihmojnë lidhur me zbardhjen e çështjes. Katër prokurorët e çështjes kanë administruar përgjigjet e letër-porosive të mbërritura nga Greqia, Italia dhe Mali i Zi. Por në Itali dhe Mal të Zi, prokuroria nisi dy kërkesa të reja për informacion, ku kërkohen materialet e dosjes në Katania dhe do verifikohet një udhëtimi në 2014 i familjarëve të Tahirit.

Një javë më parë Prokuroria e Krimeve të Rënda përfundoi hetimet dhe dërgoi në gjykatë dosjen për 9 të pandehurit e çështjes “Habilaj”. Kështu pritet gjyqi për Mojsi Habilajn, Florjan Habilajn, Armando Koçerrin, Fatmir Minajn, Nezar Seitin, Sabaudin Çelan, Tigrens Mezuarajn, Maridjan Sulajn, Armando Sulajn.

Saimir Tahiri ka qenë në hetim nga prokuroria italiane prej datës 27 tetor 2017 nga prokuroria e Catania-s me akuzën e trafikut të drogës mbi bazën e përgjimeve të çështjes Habilaj. Në përgjime flitej për 30 mijë euro që grupi Habilaj kishte për ti dhënë një personi me emrin SAIMIR dhe bizhuteri gruas së tij. Pas hetimeve prej më shumë se një viti prokuroria italiane shkruan se nuk ka gjetur prova që implikojnë ish-ministrin shqiptar të Brendshëm duke kërkuar arkivimin ose mbylljen e çështjes. Pak javë më parë Tahiri depozitoi në prokurorinë e Krimeve të Rënda edhe vendimin e prokurorisë së Catanias (Lexo këtu).

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • sifi: 18/01/2019 18:24

    Prokuroria italiane mbyll hetimet per Tahirin , por prokuroria shqiptare a ja fakte per te ? Ne rast se nuk ka fakte , a mund te kete qene nje manover politike per te shfrytezuar drejtesine ? Kush e nban pergjegjesine per kete padtaj ?

    Përgjigju
  • Arbër: 18/01/2019 11:24

    Maskarad!

    Përgjigju
  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06