Krimi në Bllok, Basha: Tahiri ka qënë në Gjermani me Matën, 'Monopoli' lokali i preferuar i Arben Ahmetajt

TIRANË- Kreu i PD-së, Lulzim Basha në ambjetet e PD-së ka zhvilluar një bashkëbisedim me gazetarët ku ka akuzuar ish-ministrin e Brendshëm, Saimir Tahirin, se ka shkuar në Gjermani bashkë me Ervin Matën, një prej të plagosurve në ngjarjen e Bllokut.

Gjatë fjalës së tij, Basha vijuar me hedhjen e akuzave ndaj qeverisë duke u shprehur se qytetet në Shqipëri po kontrollohen nga krimi, i cili tashmë kontrollon edhe politikën. 

Basha gjithashtu ka përmendur edhe ngjarjen e fundit në Tiranë duke u shprehur se nuk bëhet fjalë për një krim për xhelozi por për një përplasje mes bandash.  

LEXO EDHE:
INTERVISTA/ Ilir Meta në ‘Frontline’: Nëse ka urdhër-arresti, nuk arratisem! Dumani, kapter i Rilindjes! Tarallakut i çoj para SPAK dyfishin e 2 marsit

Shoh qytete që kontrollohen nga krimi. Kontrollojnë ekonominë, pikat e bixhozit, hotelerinë, pushtetin. Të gjithë pushtetin. Ngjarja e fundit në Tiranë. Janë përfshirë trafikantë. E mbani mend kur Tahiri ishte në Gjermani? E dini me këtë ishte? Me këtë Matën. “Monopoli” është lokali i preferuar i Arben Ahmetajt. Kriminelët dhe vrasësit më të rrezikshëm të  Ballkanit janë të lirë. Këtu sillen si sipërmarrës dhe si deputetë në rastin e Rrahman Rrajas. Askush nuk i prek. Policia merret me shitësit ambulantë. Kjo është tabloja e Shqipërisë. Arsyeja: Droga është kthyer në aktivitetin kryesor ekonomik të Shqipërisë. Ngjarja në Bllok u paraqit si një zënkë banale. E vërteta është se nuk kemi të bëjmë me një përplasje banale por përplasje mes klaneve të drogës. Bëhet fjalë për pazare kokaine. Ajo që Blloku tregon është se krimi nuk është në nivel vendor por është në zemër të Tiranës. Tani Rama kontrollon vetëm godinën e kryeministrisë. Ka humbur çdo kontroll mbi vendin.

Lulzim Basha, kreu i PD-së

Gjatë bashkëbisedimit, Basha nuk ka lënë pa përmendur as çështjen “Xhisiela”, duke u shprehur se viktima u shpërfytyrua duke u përqafuar me përdhunuesin. Megjithatë, Basha ka lënë pa komentuar akuzat e Xhisiela Malokut se tritoli në shtëpinë e saj ishte vënë nga PD-ja.

Dje në Fushë Krujë. Atje janë zbuluar ngjarje tronditëse nga Nuhu. Pjesa më tronditese është shpërfytyrimi i viktimës, e cila përqafon përdhunuesin. Pse? Sepse Fushë Kruja kontrollohet nga krimi.

Lulzim Basha, kreu i PD

I pyetur nga gazetarët e pranishëm nëse do ta dorëzonte ndonjë padi për Bjerke Ingles, arkitektitin që projektoi godinën e re të Teatrit Kombëtar, Basha u shpreh se nuk është tërhequr dhe se besonte se departamenti ligjor do ta kishte thuajse gati për ta dorëzuar.

TAG:
• lulzim basha
• PD
• arben ahmetaj
• saimir tahiri
• xhisiela maloku
• Ervis Martinaj
• Bjerke Ingles

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  24.5%

• Keq

  61.7%

• Nuk e di

  13.8%

Vota total: 535

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di