POP 5

Lajmet më të lexuara të 5 minutave të fundit

Ekonomi

Kriza e çmimeve do të pengojë uljen e kredive të këqija, në shkurt huatë e këqija zbritën në 5.3%

Kreditë me probleme në muajin shkurt zbritën në 5.3% që është niveli më i ulët historik. Por, pavarësisht kësaj rënie të vazhdueshme tani rrezik janë çmimet që shtrenjtohen dita-ditës dhe që mund të përkeqësojnë gjendjen financiare të familjeve dhe bizneseve.

Pasi sektori bankar përballoi me sukses krizën e pandemisë dhe shmangu rritjen e huave me probleme, sfida e radhës është kriza e çmimeve.

Çmimet e larta të produkteve ushqimore, të energjisë, të karburantit dhe kostot e rritura në tërësi për biznesin e qytetarët, pritet të frenojnë reduktimin e mëtejshëm të kredive me probleme.

Ekspertët e ekonomisë mendojnë se nëse rritja e çmimeve do të vazhdojë  me këto ritme të larta ku inflacioni ka kapërcyer në 5.7%, edhe fuqia paguese e kredive nga individët ose bizneset do të reduktohet.

Nga ana tjetër kjo valë e re çmimesh e ndikuar nga lufta në Ukrainë, pritet të bëjë edhe më strikte bankat, të cilat do të rrisin analizat e riskut për të dhënë kredi e nga ana tjetër do të jenë më të kujdesshme me klientët e tyre.

Këto frikëra vijnë pasi situata ekonomike dhe gjendja financiare bizneseve e qytetarëve ishte përmirësuar dhe kishte dhënë rezultate në uljen e kredive me probleme. Në muajin shkurt kredia e keqe zbriti në nivelin e ulët historik prej 5.3% nga 8.1% që ishte në të njëjtin muaj të vitit të kaluar.

Përpos situatës së përmirësuar ekonomike, ndikim në këtë rënie kanë dhënë edhe masat lehtësuese të ndërmarra nga Banka e Shqipërisë në vitin 2020, të cila u dhanë mundësinë bankave të nivelit të dytë që të rishikonin kushtet e kredive për klientët që kishin vështirësi financiare, në mënyrë që ta kishin më të lehtë shlyerjen e tyre.

SI.E./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu