TIRANË- Rritja e çmimeve nuk ka të ndalur pas goditjes së shkaktuar prej pandemisë COVID-19. Kriza e çmimeve ka qenë më e ndjeshme në muajin nëntor, dhe për pasojë inflacioni ka kapërcyer edhe objektivin e Bankës së Shqipërisë.
Sipas të dhënave të INSTAT në muajin nëntor indeksi i çmimeve të konsumi ishte 3,1 % nga 1.6% që ishte në të njëjtin muaj të vitit të kaluar. Inflacioni i regjistruar në nëntor është më i larti që prej vitit 2011.
Ndikimin më të madh në rritjen e çmimeve e ka dhënë grupi i transportit me 8.8% si pasojë e shtrenjtimit të karburanteve, ndjekur nga grupet “Ushqime dhe pije joalkoolike” me rritje prej 5%. Këto janë edhe dy kategoritë që kanë impaktin më të madh në buxhetin familjar, pasi vetëm për ushqime familjet shqiptare harxhojnë deri në 41% të ardhurave mujore.
“Krahasuar me muajin Nëntor 2020, rritja më e madhe e çmimeve vërehet në grupin “Transporti” me 8,8 %, pasuar nga grupet “Ushqime dhe pije joalkoolike” me 5,0 %, “Argëtim dhe kulturë” me 3,8 %, “Komunikimi” me 3,2 %, “Hotele, kafene dhe restorante” me 2,4 % “Qira, ujë, lëndë djegëse dhe energji” me 1,7 %, “Veshje dhe këpucë” dhe “Pije alkoolike dhe duhan” me 1,6 % secili, “Mobilie, pajisje shtëpie dhe mirëmbajtje e shtëpisë” dhe “Shëndeti” me 0,8 % secili, “Shërbimi arsimor” me 0,5 %. Ndërsa, grupi “Mallra dhe shërbime të ndryshme” u ul me 0,5 %”, thuhet në raportin e INSTAT.
Sa i takon ushqimeve frutat janë shtrenjtuar me 13.9%, vajrat dhe yndyra janë rritur me 8.7% si dhe buka që raportohet se janë shtrenjtuar me 6.6%. Ka pasur rritje edhe tek sheqeri dhe reçeli me 5.5%, zarzavatet 5.1% si dhe qumështi që është shtrenjtuar me 4.3%.
“Brenda grupit të ushqimeve çmimet e nëngrupit “fruta” u rriten me 13,9 %, pasuar nga nëngrupet “vajra dhe yndyra” me 8,7 %, “bukë dhe drithëra” me 6,6 %, “sheqer, reçel, mjaltë, çokollata dhe ëmbëlsira” me 5,5 %, “zarzavate përfshirë patatet” me 5,1 %, “qumësht, djathë dhe vezë” me 4,3 %”, citohet në raportin e INSTAT.
Ky nivel inflacioni pritej të arrihej në mesin e vitit të ardhshëm por çmimet duket se janë rritur mbi pritshmëritë e institucioneve. Më herët Banka e Shqipërisë ka thënë se në varësi të çmimeve do të merren edhe masa të tjera sa i takon politikës monetare.
Ndërkohë sipas ekspertëve kjo krizë e çmimeve që ka përfshirë të gjitha shtetet, ka si shkak kryesor kërkesën e lartë për konsum, ndërsa oferta është e ulët, pasi prodhimi stopoi në vitin e kaluar prej izolimit që shkaktoi pandemia.
Nga ana tjetër INSTAT pak ditë më parë raportoi se çmimet e produkteve të importit u rritën me 3.3%, ndërkohë që në tremujorin e tretë energjia elektrike u ble nga jashtë 35% më shtrenjtë se në 2020.
(Kliko këtu për të lexuar të dhënat)
Lajme të tjera
-
Ekonomia u rrit me 4.09% gjatë sezonit veror! Ndikim kryesor, bumi turistik dhe rritja e pagave në administratë
24 Dhjetor, 12:20
-
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Rrogat ulen te privati, 354 mijë s'arrijnë pagën mesatare! Eksperti: Punonjësi shihet si kosto e jo investim
22 Dhjetor, 14:25
-
Turizmi, shqiptarët preferojnë pushimet jashtë, daljet u rritën me 14.7% në janar-tetor
20 Dhjetor, 11:05 -
Çfarë nuk duhet të bëni asnjëherë pasi keni ngrënë
17 Dhjetor, 17:57 -
2024-a 'bilanc' negativ/ 1 në 4 biznese nëndeklaruan pagat! Gjysma e të punësuarve marrin deri në 2300 lekë në ditë
17 Dhjetor, 16:05
-
Afro 20% e shqiptarëve në rrezik varfërie, kanë të ardhura ditore deri në 751 lekë! Gjendja do rëndohej nëse s’do ishin pensionet e skemat sociale
13 Dhjetor, 20:29
-
Në vitin 2025 do të shpenzohen mbi 8 mln euro për mbetjet! Bashkia Durrës do marrë 2.5 mln euro për trajtimin e tyre
9 Dhjetor, 18:39
-
Ushqimet që nuk duhen konsumuar kur keni dhimbje fyti
6 Dhjetor, 15:45 -
Ushqimet kundër stresit, ç’duhet të hani për të përmirësuar humorin
2 Dhjetor, 15:25 -
S’ka më banesa individuale, por rezidenca shumëkatëshe! Mbi 2 mln metër katrorë ndërtime të reja me vlerë 806 mln €, u miratuan në 9 muaj nga bashkitë
29 Nëntor, 08:07
-
Flokë të shëndetshme dhe me shkëlqim, ja ushqimet që duhet të konsumoni
26 Nëntor, 14:49
