Kriza në Libi, Presidenti Erdogan: Po dërgojmë trupa në Tripoli

Kriza në Libi, Presidenti Erdogan: Po dërgojmë trupa në Tripoli

Presidenti turk Rexhep Tajip Erdogan tha se Ankaraja ka nisur dërgimin e trupave ushtarake në Libi. Ai parashikoi gjithashtu se që nga viti 2020 Turqia do fillojë shpimet për kërkim gazi dhe nafte në Mesdhe "në zonat e mbuluara nga pakti me Tripolin"

"Ne po dërgojmë trupat tona" në Libi "për të mbështetur paqen", - tha Erdogan.

Njoftimi, i cili konfirmon deklaratat e bëra në fillim të janarit, u bë nga Presidenti turk Rexhep Tajip Erdogan në fjalimin e tij programues në fillim të vitit.

Udhëheqësi i Ankarasë nuk dha detaje të mëtejshme dhe nuk tregoi nëse ushtarët tashmë kanë mbërritur në Libi apo sa do të dërgohen.

Më shumë se 600 mercenarë sirianë të mbështetur nga Turqia janë tashmë të pranishëm në Libi në mbështetje të Tripolit, sipas Observatorit Sirian për të Drejtat e Njeriut dhe burime të tjera lokale.

Erdogan: Nga viti 2020 shpime në Mesdhe

Turqia do të nisë "aktivitete eksplorimi dhe shpimi" në Mesdhe këtë vit në zonat që mbulohen nga marrëveshja për demarkacionin e kufijve detarë me Libinë, njoftoi Erdogan.

"Nuk është më e mundur që vendet e tjera të kryejnë aktivitete kërkimore sizmike dhe shpimi pa pëlqimin e Turqisë dhe Libisë në zonat e përcaktuara nga marrëveshja detare," shtoi kreu i Ankarasë.

Memorandumi i mirëkuptimit, i nënshkruar në fund të nëntorit në Stamboll nga Erdogan me Kryeministri i Marrëveshjes Kombëtare (GNA) të Tripolit, Fayez al-Sarraj, është dënuar nga shumica e bashkësisë ndërkombëtare, në veçanti nga Greqia dhe Qipro, e cila nuk e konsideron të ligjshëm.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

GJKKO firmos masë të dytë sigurie për Taulant Tushen

GJKKO firmos masë të dytë sigurie për Taulant Tushen