A do ta vijojë Uashingtoni ekspansionin e dollarit kundrejt Turqisë? Sigurisht që po. Në të vërtetë kriza turke ka kohë që ka nisur. Dollari ishte lënia e lirë që i bëri Uashingtoni.
Po Tirana osmane e politikës, çfarë po bën?
l.
Kryesorja është që Erdogani dhe jo dollari është një e keqe e Turqisë. Pastaj, nëse vërtet është ngritja e vlerës së dollarit shkaku për të shpëtuar Turqia nga "e keqja Erdogan", sigurisht që është në të mirë të Turqisë.
Por, pas kësaj me ngërç na ka mbetur Rama në Tiranë që mendoi se me Erdoganin do të prishte aleancën shqiptaro- amerikane. Turp për një kryeministër shqiptar që shkon dhe bashkohet me një neoosman turk sepse kërkon patlogjikisht të sundojë shqiptarët.
Në fakt, ky modeli i Ramës, është vetë modeli tipik i pashait shqiptar të shekullit të shtatëmbëdhjetë: "Shit interesin e shqiptarëve në Stamboll që të sundosh shqiptarët".
Për të qenë më të qartë: çështja është që ky dhe Saliu, me anë të neoosmanizmit të Erdoganit, të vijonin politikën kundër shqiptarëve duke vënë në lojë qarkulluese gjënë e tyrë të vjedhur prej shqiptarëve; ashtu siç e kishin menduar kur e vodhën.
ll.
Të dy, Rama dhe Berisha, ishin të bindur kur ishin të ndarë, se gjithmonë do fitonte ai që do grabisë më shumë para nga shqiptarët, të cilët ishin të destinuar të rrinin të tillë, të varfër dhe të bërtisnin për këta të dy. Por tani i ka trembur Reforma në Drejtësi.
Kjo reformë është strukturuar juridikisht kundër abuzimit dhe vjedhjes së gjyqtarëve, pushtetarëve, dhe sidomos kundër korrupsionit kryeministror.
I kap që të dy, prandaj janë çartsllosur për mbështetje deri të Erdogani dhe korrupsioni banal i vendeve të Lindjes.
Çështja Erdogan i ka trembur, por sidomos Ramën.
Tani të dy, edhe Rama edhe Berisha e ndjejnë se paratë dhe pushteti i tyre po iu shkon drejt hiçit. Ata prisnin të vijonin teatrin e sëmurë të qarkullimit të gjësë së vjedhur, se ky duhej të ishte fati i caktuar në këtë dhjetë vjetshin e fundit nga Saliu dhe Rama. Por ja që filli iu këput. Dhe tani vinë vërdallë sa nga Putini te Erdogani. Dhe lodhen kot, se janë të kapur nga organet e specializuara amerikane dhe gjermane. Këtë kapje nuk ka më asnjë politikë që ta shpëtojë. Tani këtu flitet për FBI-në. E shihni hetimin kundrejt Presidentit amerikan? Imagjinoni tani Ramën dhe Saliun!Dhe Bashë me ta dhe Metën.
Rama është edhe më në ajër, se Saliu e ka provuar një herë. Kurse Rama fluturon si Enver Hoxha. Prandaj shkoi edhe te Erdogani, se iu kujtua Hoxha kur e mori Shqipërinë dhe ë përplasi në Kinë. Ndërsa Rama mendon se Moskës dhe Hrushovit Hoxha iu shkëput me dredhinë e tij. Por tani që doli teksti i bisedës sekrete Kenedi-Hrushov, e kuptuan edhe hoxhistët më të thekur, se ishte kërkesa ultimative e Xhon Kenedit : "Shqipëria nuk preket", që Hrushivi iku nga Vlora. Por, ky tarallaku ynë Hoxha iku me vrap në Kinë, dhe njëlloj po vepron edhe Rama sot që u nis te Erdogani. Nuk mbush Rama.
Ja, këta janë të zgjedhurit e mëdhenj të fatit antishqiptar. Dhe janë shumë: gati të gjithë kryeministrat. Esadistë të kulluar janë, por tani janë në fund.
lll.
Që të dy, Rama dhe Berisha, e kanë të pastër specifikën e defektit të vjetër të politikanëve të shitur dhe antishqiptarë që kanë drejtuar Shqipërinë. Të gjithë kanë qenë të paedukuar nga sistemi logjik racional dhe prandaj këta: humbjen e kthejnë në fitore, faktin në legjendë dhe legjendën në mit.
Ky është Saliu origjinal dhe i shfaqur; por kështu është edhe Ramë ziu së brendshmi dhe i pashfaqur në publik, por vetëm me serventët e tij, si rregull fëmijë nga mendja, të cilëve iu thotë gënjeshtra dhe gojëdhana, që këta t'i mbajnë këto si mite. Të gjithë hajdutë, që po thonë me njëri-tjetrin: "Rama është njëri i madh. Do t'ia hedhë Amerikës". Njëlloj siç thonin ata injorantët enveristë kur mbeteshin duke llomotitur se Enver Hoxha po drejtonte botën dhe revolucionin botëror. Po njëlloj, se janë ë njëjta specie.
Asgjë nuk ka ndryshuar ende në psikikën e politikës shqiptarë: ajo vazhdon ende të jetë në karakterin skizofrenik të politikës së vjetër shqiptare që sundon, shet dhe vjedh sipas oreksit të skizofrenit që e drejton si kryeministër.
Komente
Lajme të tjera
-
'Non-grata e Berishës e pakthyeshme', Ngjela: Shpresa te Trump, e kotë! Kërkon të mbaj përkrahësit e tij! Kur erdhi në '92 shkatërroi vendin me urdhër të Beogradit
17 Dhjetor, 17:31 -
'SPAK e drejtojnë amerikanët, opozita e trembur', Ngjela: Në '92 pushtetin e mori 'Anti-Shqiptaria'! Mosbindja civile është injorancë
9 Dhjetor, 19:29 -
Spartak Ngjela: Skizoidi Berisha, në gjurmët e Enver Hoxhës
6 Dhjetor, 21:42
-
Spartak Ngjela: Pse Maqedonia e Veriut është trembur nga shqiptarët?
2 Dhjetor, 19:59
-
Debati për Luftën/ Historiani Kasmi: Sipas burimeve të mia, janë 11 mijë dëshmorë! Ngjela: Ballistët nuk ishin tradhtarë, menduan se gjermani do fitonte luftën
2 Dhjetor, 19:57 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ngjela për Report Tv: Rama e ka të sigurt mandatin e katërt! PD s’ka vota pa ikur Berisha, është non grata
18 Nëntor, 21:09 -
Berisha dhe Meta në burg, Ngjela në Report Tv: Shanset që Trump 't’u heq dënimin' janë zero! Opozita nuk vjen dot në pushtet, duhet lidership i ri
11 Nëntor, 18:16 -
'Vorio-Epiri injorancë anti-shqiptare', Ngjela në 'Studio Live': Rama shkoi në Selanik t'u tregojë se jemi të fortë
4 Nëntor, 20:06 -
Spartak Ngjela: Edi Rama kaloi në një stad patriotik, të cilin nuk e ka pasur deri tani
4 Nëntor, 11:46
-
Meta në burg, Ngjela për Report Tv: SPAK po godet në nivelet e larta! Shqiptarët s'e duan korrupsionin, s'pati revolta për arrestimin e dy liderëve të opozitës
28 Tetor, 18:28 -
'SPAK nuk gabon', Ngjela për arrestimin e Metës: S' e priste! Kur të gjithë të thonë hajdut, je i tillë! Po pastrohet krimi shtetëror
22 Tetor, 19:42
po mir more shqiptaro-amerikan,vertet mendon se NBgjela dhe Lubonja s'pas kan te drejte te cfaqin mendimin e tyre.Vertet kritikat e tyre jan disi te ashpera,diku-diku edhe rreshqasin;por te mos harrojme se jan disident te periudhes me te ashper politike,te cilet e paguan me 10 vjecar heqie lirie.Eshte mir te mos jemi ekstremist.
PërgjigjuJam Jurist-Avokat shqiptaro-amerikan, qe ndjek prej 1996 te gjitha mediat shqiptare ne rajonin e Ballkanit. Do sugjeroja qe shkrime te "llojit" Ngjela apo Lubonja dhe kujtedo tjeter te gjuhes dhe mellefit te tyre te mos botohen absolutisht JO. Me sharlatane te "llojit" Ngjela & Lubonja Media shqiptare vetem diskretotohet dhe nuk lexohet sa e si duhet, prandaj duhet thene NDAL (STOP) ketyre "lloje" monstrave Mediatike.
PërgjigjuDakord me ngjelen. Ky Rame faqeziu e ka bere vendin si sulltanat te mesjetes. E filloi Saliu dhe po e vazhdon ky ripushtimin otoman nga turqit dhe llojet e ngjashme arabe. Ti zoteri i amerikes, nuk e di a shkon ndonjehere ne shqiperi, por po shkove hapi syte dhe numuroi xhamite qe e kane qelbur vendin tone, i ke ne cdo 50m. Nga Rinasi deri ne qender jane nja 20 cope. Pastaj te perkedhel nja 5 here ne dite Sulltani, duke bertitur si i cakerdisur, allllllaaaaahhhh -qe ne 4 am. Kjo eshte shqipo-turqia jone. Me e keqja eshte se festojme edhe vitin e Skenderbeut.....I gjori, edhe ne endren me te keqe nuk do ta mendonte veten si heroi kombetar i turqve te rinj. Pastaj kerkojme dhe Europe! Per cfare? Tjua cojme turqit edhe atyre?