Ekspozita “Kruja dhe Skënderbeu” e çelur në Muzeun Historik Kombëtar ka bërë bashkë 50 piktorë nga mbarë trevat shqipfolëse, si Kosova, Mali i Zi, Maqedonia dhe Shqipëria. Janë rreth 60 tablo, të artistëve Kujtim Buza, Idriz Berisha, Agim Sulaj, Qamil Prizreni, Anila Zajmi etj., në të cilat prezantohet jeta e Skënderbeut në etapa të ndryshme, por edhe qyteti i Krujës. Piktori Kujtim Buza prezantohet me dy tablo, që kanë në qendër “Malin e Krujës”.
Ne kemi shkuar në Krujë herë pas here, në studiot tona kemi shumë punime. Herë kemi shkuar mes miqsh dhe herë-herë vetëm, sepse Kruja është një vend i shenjtë për ne. Është një vend i bukur, tërheqës që të tërheq edhe të jep emocionet e veta. Një ditë thamë bashkë me një shokun tim, mjaft e kemi punuar kalanë nga brenda, dolëm nga një tjetër gjendje. Ndërsa, tabloja tjetër ka të bëjë me malet e Krujës, ku kanë shkelur ithtarët e tij. Ndërsa, tani bëhen aktivitete të këndshme, por nën këmbë është historia.
Kujtim Buza, Piktor
Sipas Buzës, vendi i Skënderbeut është i bukur, prandaj ai vjen me një buqetë me lule nga Mali i Skënderbeut, si një urim kushtuar këtij përvjetori.
Skënderbeu nuk duhet parë thjesht si hero, por ai ka qenë edhe njeri, që dinte të drejtonte edhe ishte në krye të shumë problemeve fetare të politikës së jashtme. Për Skënderbeun ka shumë për të bërë më tutje, ne kemi bërë pak deri më tani, urojmë që të bëhen edhe aktivitete të tjera të bukura.
Kujtim Buza, Piktor
Ekspozita ka rëndësi të jashtëzakonshme, sidomos për artistët figurativë nga të gjitha hapësirat mbarë shqiptare. Kanë ardhur artistë nga të gjithë brezat, me këtë po mbyllet një ngjarje për një vit e patëm Vitin Mbarë Kombëtar të Skënderbeut. Tashmë në demokraci mundësia për të begatuar edhe më shumë figurën e Skënderbeut, sikur e kemi begatuar më shumë idenë se kush ishte Skënderbeu, edhe pse edhe sot e kësaj dite tendencat janë që ta përvetësojnë edhe më shumë Skënderbeun. Por kjo ngjarje sot në Tiranë tregon se Skënderbeu ishte flamurtari edhe frymëzuesi ynë.
Idriz Berisha, Piktor nga Kosova
Kontributi i piktorëve shqiptarë për Skënderbeun nuk ka munguar, trajtimi i kësaj figure është bërë edhe tek “Brezat”, “Nëntori”, por jo vetëm. Por, përse është zgjedhur Muzeu Historik Kombëtar dhe jo Muzeu i Krujës, për të ekspozuar këtë ekspozitë?
Në Muzeun e Krujës ne kemi ekspozuar edhe më parë, por këto vepra kanë një nivel shumë të lartë, ku më mirë se në kryeqytetin e Shqipërisë, që artdashësit për hir të së vërtetës është edhe më i madh, ka edhe artdashës të huaj, që dëshirojnë që t’i shikojnë. Në Krujë është hapur ekspozitë, por jo e njëjta për shkak të hapësirës, mjediseve. Deri më tani janë bërë aktivitete në varësi të MK, me një mbështetje modeste të bashkisë.
Florind Cerhozi, Sekretar i përgjithshëm i Bashkisë së Krujës
Ekspozita e realizuar në kuadër të Vitit Mbarëkombëtar të Gjergj Kastrioti Skënderbeut, është organizuar nga Instituti i Librit dhe Promocionit.
Lajme të tjera
-
Muzeu Historik Kombëtar në Tiranë 4 vjet i kyçur, ja çfarë parashikon projekti i rikonstruktimit
7 Mars, 16:07 -
‘Shqipëria është Biodiversitet’, instalacion në sheshin ‘Skënderbej’ me speciet unike të Shqipërisë
4 Tetor 2023, 11:24 -
Në muze busti i Klementit XI, Papës me origjinë shqiptare që drejtoi kishën katolike për 21 vjet! Bushati: Vjen nga mali i Mikelanxhelos! Dhuratë dhe një libër 3 shekullor!
27 Shtator 2023, 15:58
-
Mozaiku 'Shqipëria'/ Ironia me 'retushimin' e PD në '93, hoqi librin e kuq e dy yje, ‘zien’ rrjeti: Ka ende në shalle, kapele deri edhe te xhubleta 4000-vjeçare!
23 Maj 2023, 11:34 -
‘Skënderbeu’ i ekspozuar në Muze, 555-vjetori i vonuar i vdekjes së Heroit Kombëtar, Koçi: Figura e tij, e gjallë në ndërgjegjen e popullit
7 Shkurt 2023, 15:52 -
Kostumografja Anila Zajmi Katanolli, artistja klasike dhe ekstravagante: Babai, frymëzim imi
17 Janar 2023, 20:05 -
Restaurimi i Muzeut Historik nga BE, draftprojekti me rikonceptim të hapësirave! Edhe Arkeologjia e Etnografia pjesë, për të rrëfyer historinë përmes objekteve
1 Dhjetor 2022, 00:01 -
Japonia, 120 mln lekë për Muzeun! PD dakord për grantin, por diskuton fasadën që po restauron BE: Bota i ka zhdukur këto simbolika komuniste
14 Shtator 2022, 18:33
-
Fondi i Galerisë, Ministria premton vepra të reja nga 2023! Studiuesja Varvarica: Rihapni sektorin e studimit, sikur i keni prerë institucionit një krah
11 Gusht 2022, 17:30
-
Nga viti 1960 në ditët e sotme, ekspozohen për herë të parë 100 vepra të Bujar Zajmit, e bija: Është një artist ende i pazbuluar
14 Korrik 2022, 20:53
-
Radogoshi i vjen Shqipërisë me poezi, rrëfen vargjet e luftës: Në ato rrethana s'ish vetëm art, sot Kosova e anashkaluar me Ballkanin e Hapur
12 Korrik 2022, 16:50
-
Karl Paç, ‘dallëndyshja e parë e arkeologjisë shqiptare’, studiuesit: 2 udhëtimet e austriakut në Shqipëri, si e ndërtoi në 1922 muzeun e parë kombëtar në pronën e Toptanasve
28 Qershor 2022, 17:23
