POP 5

Lajmet më të lexuara të 5 minutave të fundit

Kronikë

I kërkuar nga Italia si koka e një bande droge me vëllezërit, 34-vjeçari i shpëton edhe policisë në Krujë pasi iu gjetën në banesë 145 kg kanabis! Në pranga kryeplaku bashkëpunëtor

145 kilogramë kanabis janë sekuestruar ditën e sotme në fshatin Nojë të Krujës, ndërsa u shpall në kërkim 34-vjeçari Bujar Sefa si dhe u arrestua kryeplaku i fshatit, Haxhi Murati, 66 vjeç. Sefa dhe Murati bashkëpunuan për kultivimin e kanabisit. 34-vjeçari rezulton i dënuar me 12 vite e 9 muaj burg në Itali për trafik kokaine dhe kanabisi.

Në mars të këtij viti, Bujar Sefa u dënua në mungesë me 12 vite e 9 muaj burg për trafik kokaine dhe kanabisi në Itali, por kjo nuk e pengoi atë që të vinte në Shqipëri e madje të vijonte me të njëjtin aktivitet kriminal.

Në banesën e tij në fshatin Nojë të Krujës, Policia gjeti një ditë më parë 145 kilogramë kanabis, gati për shitje, dhe municion luftarak, por megjithatë sërish i riu ka mundur t'i shpëtojë prangave.

Sefa u shpall në kërkim, ndërsa në pranga ra kryeplaku i fshatit, Haxhi Murati, 66 vjeç, i cili bashkëpunoi me 34-vjeçarin në kultivimin e kanabisit.

Operacioni u zhvillua nga strukturat e policisë Durrës dhe shërbimet e Komisariatit të Policisë Krujë, në bashkëpunim me strukturat e SHÇBA-së.

Murati akuzohet për veprat penale "Shpërdorim detyre" dhe "Prodhimi dhe shitja e narkotikëve", ndërsa Sefa për "Prodhimi dhe shitja e narkotikëve" dhe "Armëmbajtje pa leje".

Bujar Sefa ishte koka e një grupi të trafikut të kokainës dhe kanabisit në Itali, pjesë e së cilës ishin edhe dy vëllezërit e tij, Islam dhe Jetmir Sefa. Pasi prisnin kokainën nga Holanda, ata koordinonin shpërndarjen në Itali, konkretisht në zonën e Venecias dhe Mestra. Më pas Islam Sefa dhe Jetmir Sefa, merreshin me shpërndarjen e drogës tek shitësit e vegjël dhe mblidhnin paratë.  Gjykata dënoi në mungesë Bujar Sefën dhe konfiskoi e pasurinë me vlerë 346 mijë euro. Ndërkohë, vëllai tjetër i 34-vjeçarit, Hajdar Sefa është arrestuar si pjesë e bandës së grabitësve 'Babagjyshët'. 

Droga e sekuestruar

Rendit zhvillimet sipas orarit:
Ora 09:29
U shpall sot në kërkim nga policia e Krujës, Bujar Sefa i dënuar për drogë në Itali, furnizonte tregun me kokainë nga Holanda e kanabis nga Shqipëria

Bujar Sefa (Xaka) i cili është shpallur në kërkim për kultivm kanabisi, në kuadër të operacionit ‘Noja’ në Krujë, është një emër i njohur për drejtësinë italiane. Sefa është dënuar në Itali, me 12 vjet e 9 muaj dhe i janë konfirskuar një pasuri me vlerë deri në 346 mijë euro. Sipas akuzës, ai ishte drejtuesi dhe organizatori i një grupi trafikantësh dhe tregtarësh të drogës në Itali. Në bashkëpunim me vëllezërit e tij, Sefa organizonte punën dhe shpërndante drogë nga Holanda në Itali. Ai është në kërkim edhe nga autoritetet italiane. Të dënuar për drogë edhe 2 vëllezërit e tij, Islam dhe Jetmir Sefa. Islam Sefa u dënua me 9 vjet e 9 muaj burg dhe Jetmir Sefa, vëllai tjetër i Bujar Sefës, u dënuan me 5 vjet e 4 muaj burg. Ndërkohë, vëllai i tij tjetër, Hajdar Sefa, është arrestuar si pjesë e bandës së grabitësve 'Babagjyshat'.

M.Q./Shqiptarja.com

/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tiron: 08/11/2021 17:06

    Po vlla tpakten ktej nga tirona lidhje me me Te Fortet Kan e Po pate lidhje ktej ke ne Te gjith shqiprin Shum Trima sidomos ato Te grabitjeve A ka me Te fort se kto ne kruje ? Pse Nuk perfaqsohet Kruja me kto ? Te prsh

    Përgjigju
  • Krutani: 01/11/2021 00:19

    Lagja Abaze vlla , kan lidhje te ndryshme . Po Kruja esht gje tjeter nk perfaqsohet me ato .

    Përgjigju
  • tirona: 30/10/2021 21:39

    o krutoni kush esht nje grup atje ne kruje shum te fort ato cunat me lidhje te forta dhe ktej nga tirona qe rrin ne nje lagje disa prej tyre jan ne burg per grabitje kam degju per to

    Përgjigju
  • Krutani: 30/10/2021 10:34

    Hajdee Xakt hajde , keni harru vidjonin jasht ????????????????

    Përgjigju
  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Frika e deportimit në Ruanda, zhduken mijëra azilkërkues! Media: Mes tyre janë 1633 shqiptarë

Frika e deportimit në Ruanda, zhduken mijëra azilkërkues! Media: Mes tyre janë 1633 shqiptarë

24 Prill, 15:16