POP 5

Lajmet më të lexuara të 5 minutave të fundit

Kronikë

Kryebashkiakja e Shkodrës, Ademi:
Pamjet e dhëna në media, manipulime

Kryebashkiakja e Shkodrës, Voltana Ademi ka reaguar pas publikimit në një emision investigativ të disa dëshmive mbi rastet e dhunës dhe abuzimeve në Qendrën e Kujdesit Social.  
Kryebashkiakja e Shkodrës, Ademi:<br />Pamjet e dhëna në media, manipulime
Kryebashkiakja e Shkodrës, Voltana Ademi ka reaguar pas publikimit në një emision investigativ të disa dëshmive mbi rastet e dhunës dhe abuzimeve në Qendrën e Kujdesit Social.  
 
Sipas saj, pamjet e transmetuara në media, janë të manipuluara. Ademi thotë se ambientet që duken në ato pamje, nuk janë të Qendrës së Zhvillimit në Shkodër. Ajo fajëson një ish punonjës të kësaj Qendre, i cili është shkarkuar për thyerje të disiplinës në punë, se ka prodhuar pamjet e transmetuara në emision.
 
"Vlerësojmë që pamjet e shfaqura mbrëmë janë pamje të rënda, të manipuluara dhe nuk pasqyrojnë realitetin në këtë qendër. Ambiente të tilla nuk ekzistojnë në qendrën e zhvillimit (tuba, hekura, ganxha, etj). Imazhe të tilla janë të nxitura, të prodhuara dhe të shpërndara nga ish përgjegjësi i sektorit social pranë qendrës së zhvillimit i larguar prej dy vitesh nga puna për thyerje të rëndë të disiplinës në punë", thuhet në deklaratën e kryetares së Bashkisë Shkodër, Voltana Ademi.
 
Por, nga ana tjetër, Ademi nuk ka komentuar rastet e përdhunimeve brenda Qendrës, të dokumentuara këto edhe nga Prokuroria, për të cilat është lëshuar edhe një urdhër arrestimi për drejtoreshën e Qendrës, Juliana Cepi dhe infermieren Aida Ymeraj.  
 
Deklarata e plotë e kryebashkiakes së Shkodrës, Voltana Ademi:
"Duke marrë shkas nga emisioni “STOP” i tv Klan, i ditës së martë, datë 31 maj 2016, ndjejmë përgjegjësinë morale, institucionale e profesionale të informojmë publikun, komunitetin mbi situatën në këtë institucion.
Qendra e Zhvillimit është institucion publik, që ofron shërbim rezidencial dhe ditor për personat me aftësi ndryshe. Në këtë institucion marrin shërbim persona nga e gjithë Shqipëria. Në shifra, aktualisht në këtë institucion trajtohen 87 persona; 40 persona që marrin shërbim ditor dhe 47 persona që marrin shërbim rezidencial, nga të cilët vetëm 7 janë banorë të Bashkisë së Shkodrës.
Vlerësojmë që pamjet e shfaqura mbrëmë janë pamje të rënda, të manipuluara dhe nuk pasqyrojnë realitetin në këtë qendër.
1. Ambjente të tilla nuk ekzistojnë në qendrën e zhvillimit (tuba, hekra, ganxha, etj.)
2. Imazhe të tilla janë të nxitura, të prodhuara dhe të shpërndara nga ish përgjegjësi i sektorit social pranë qendrës së zhvillimit i larguar prej dy vitesh nga puna për thyerje të rëndë të disiplinës në punë.
Në këtë qendër zhvillimi trajtohen persona me probleme të rënda të zhvillimit fizik dhe mendor. Këto persona janë rezident dhe marrin shërbim në këtë qendër prej më shumë se 20 vitesh, dhe pjesa më e madhe (rreth 80%) nga këto përfitues kanë kaluar moshën 25 vjecare, moshë limit për rehabilitim dhe zhvillim.
Pavarësisht problematikave dhe vështirësive të punës në këtë institucion, personeli teknik dhe kujdestar punon për të ofruar shërbime sa më të mira dhe profesionale në përputhje me nevojat specifike të klientëve.
Me qëllim përmirësimin e shërbimeve dhe kushteve për klientët, vazhdimisht në qendrën e zhvillimit janë bërë ndërhyrje në infrastrukturë, është siguruar pajisja me mjete të nevojshme për ofrimin e shërbimeve rehabilituese.
Aktualisht në këtë institucion me financimin e Zyrës së Bashkëpunimit të Mbrojtjes në Ambasadën Amerikane, po zhvillohet punime rikonstruktuese të përgjithshme të godinës me synim përmirësimin e kushteve dhe cilësisë së jetesës së personave që jetojnë në këtë institucion.
Mediat janë të mirëpritura të vizitojnë ambjentet e qendrës dhe të njihen drejtë për drejtë me kushtet dhe shërbimet që ofrohen në Qendrën e Zhvillimit, Shkodër".

Redaksia Online
l.q/Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Vuçiç mesazh kërcënues: Jeta është luftë, Serbia do të fitojë

Vuçiç mesazh kërcënues: Jeta është luftë, Serbia do të fitojë

24 Nëntor, 12:42