Kryemadhi takon ambasadoren e Kinës: Bashkëpunim më intensiv, synohet zhvillimi ekonomik i vendit

Kryetarja e Lëvizjes Socialiste për Integrim, Monika Kryemadhi ka takuar këtë të hënë ambasadoren e Republikës Popullore të Kinës, Jiang Yu, me rastin e largimit të saj nga Shqipëria.

Kryemadhi e falënderoi ambasadoren e Kinës për rolin e saj aktiv në gjallërimin e marrëdhënieve mes Kinës dhe Shqipërisë. Ajo gjithashtu nënvizoi se këto marrëdhënie janë të një rëndësie shumë të veçantë, duke pasur në konsideratë rolin e rëndësishëm të Kinës, modelin e saj shumë të suksesshëm të zhvillimit ekonomik nëpër botë si dhe ndjenjat e miqësisë së hershme që ka lidhur dy vendet.

Kryemadh theksoi se shumë mundësi dhe oportunitete për një bashkëpunim më intensiv mes Kinës e Shqipërisë nuk janë shfrytëzuar dhe për këtë arsye, sipas saj, nuk ka më kohë për të humbur që këto marrëdhënie të ecin me shpejtësi, veçanërisht edhe për zhvillimin ekonomik të Shqipërisë.

Ambasadorja e Republikës Popullore të Kinës, Jiang Yu

TAG:
• monika kryemadhi
• Jiang Yu
• Shqipëri-Kinë