POP 5

Lajmet më të lexuara të 5 minutave të fundit

Bota

Kryeministri i Sri Lankës njofton dorëheqjen e presidentit pas protestave! Qytetarët të vendosur në largimin e zyrtarëve

Qytetarët në Sri Lanka janë të vendosur të vazhdojnë protestat deri në largimin e presidentit dhe kryeministrit të vendit të cilët i akuzojn për keqmenaxhimin ekonomik e financiar. Pas trazirave të së shtunës ku u sulmuan rezidencat e banimit të dy zyrtarëve, kryeministri i Sri Lankës njoftoi se presidenti ka konfirmuar dorëheqjen

Presidenti i Sri Lankës, Gotabaya Rajapaksa ka konfirmuar se do të japë dorëheqjen. Lajmi u konfirmua nga zyra e shtypit e kryeministrit të Sri Lanks dy ditë pasi mijëra protestues sulmuan rezidencat e banimit të dy zyrtarëve të lartë.  Zyra e kryeministrit Ranil Wickremesinghe tha në një deklaratë se ishte informuar nga presidenti Rajapaksa se ai do të largohej të mërkurën.

Por sipas kushtetutës së Sri Lankës, dorëheqja e presidentit mund të pranohet zyrtarisht kur ai të paraqesë dorëheqjen me letër drejtuar kryeparlamentarit, gjë që ende nuk ka ndodhur.

Presidenti Rajapaksa, vendndodhja e të cilit nuk dihet, nuk ka folur publikisht që pas ngjarjeve të së shtunës. BBC bën të ditur se ai ndodhet në një anije të marinës në ujërat e Sri Lankës. Ai u zhvendos në vend të sigurt përpara se protestuesit të hynin në pallatin presidencial. Presidenti i Sri Lankës është fajësuar për keqmenaxhimin ekonomik të vendit, ç’ka ka sjellë mungesa të mëdha ushqimore, karburantesh dhe ilaçesh prej muajsh. Dorëheqja e tij u njoftua fillimisht nga kryetari i parlamentit të shtunën, por qytetarët iu përgjigjën me skepticizëm idesë se ai do të hiqte dorë nga pushteti.

Sri Lanka është zhytur në një krizë të thellë financiare dhe turmat e qytetarëve të ngritur në protestë thanë se nuk do të largohen derisa të dy të lënë postet e tyre. Qytetarët që u futën në rezidencën presidenciale dhe i vun zjarrin në protestën e së të shtunës thanë se ishte e turpshme që një president i zgjedhur me votë demokratike të largohej në këtë mënyrë.

Politikanë të tjerë në Sri Lanka u takuan të dielën për të diskutuar se si të trajtohet një tranzicion i qetë i pushtetit, ndërsa kryetari i parlamentit tha për BBC se një qeveri e re e koalicionit ndërpartiak duhet të formohet një javë pasi presidenti të largohej zyrtarisht.

M.Q./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça