Goli i Toni Kros do të mbetet gjatë në kujtimin e futbolldashësve dhe jo vetëm atyre që janë tifozë gjermanë. Një harkim perfekt në minutën e 5-të shtesë dhe topi që ndalet në rrjetë për të ringjallur shanset për kualifikim të Gjermanisë dhe për të evituar një rezultat historik. Por gjërat mund të kishin qenë ndryshe, nëse Kros do të kishte ndjekur planin fillestar, ku duhej të krosonte në zonë.
Korrespondentët e “Marca” në stadium për ndeshjen Gjermani-Suedi, kanë folur me protagonistët dhe kanë mësuar prapaskenat dhe dialogjet e atyre momenteve të ethshme të fundit të takimit për një episod që do të hyjë në historinë e futbollit.
Gjithçka fillonte me thirrjet e Mats Humels nga pankina. “Toni, krosojë mirë. Krosoje mirë!”, ishte nxitja e tij për shokun e skuadrës, në një skemë të përdorur disa herë në stërvitje. Ndërkohë, Manuel Nojer i kërkoi leje Joakim Lëv që të dilte në sulm, për të goditur ai topin në qendër të zonës. E ndaloi vetëm zëvendëstrajneri, kur kishte bërë thuajse gjysmën e fushës dhe i kërkoi të mos rrezikonte kot kundërsulmin.
Ndërkohë, Mario Gomez e sinjalizoi Kros që të dërgonte topin në shtyllën e parë, kurse Myler në qendër të zonës, se në të dytën nuk do të mbërrinte kurrë meqë kishte shumë njerëz në zonë. Meqë gjermanët kishin dalë para, Suedia i ktheu gjithë lojtarët në qendër dhe la vetëm dy lojtarë në barrierë. Gabim fatal!
Të vetmit që e dinin se topi do të shkonte direkt në portë ishin Kros e Rojs, të cilët prodhuan një moment historik për kombëtaren. Rojs kërkoi ta gjuante vetë. “Ma lër mua, e gjuaj unë”, ishin fjalët e Kros. “A do ta krososh?”, pyeti Rojs. “Jo”, u përgjigj Kros, “ta kaloj topin, ti e ndal dhe unë gjuaj”. Ai kishte analizuar menjëherë situatën dhe e kishte kuptuar se gjuajtja ishte e vetmja alternativë.
“Kishim hedhur shumë krosime në qendër dhe duhej të ndryshonim plan”, shpjegoi ai pas ndeshjes. “Pastaj e dija që Suedia priste një tjetër krosim, ndaj e kisha të qartë që duhej të gjuaja. I thashë Markos që të më ndalte topin dhe pastaj… ishte gol. Na doli mirë”, tha mesfushori gjerman, si të ishte një gjë komplet normale.
Lajme të tjera
-
Thumbime të panumërta mes spanjollëve dhe gjermanëve, Joselu: Kroosin e pensionojmë! Ish-portieri Lehman: 'La Roha' ekip i vogël
4 Korrik, 13:33 -
VIDEO/ Tunel nderi dhe shiriti i kapitenit, Real Madrid dhe tifozët nderojnë Toni Kroos në ndeshjen e fundit në 'Bernabeu'
25 Maj, 21:19 -
Zyrtare/ Befasi nga mesfushori i Real Madrid, Toni Kroos tërhiqet nga futbolli pas Europianit 2024
21 Maj, 12:53 -
Real Madrid merr vendimin për të ardhmen e Modric dhe Kroos
2 Maj, 15:16 -
Lista/ Miqësoret me Francën dhe Holandën, ylli i Real Madrid rikthehet te Gjermania
14 Mars, 17:36 -
Toni Kroos konfirmon rikthimin në kombëtaren e Gjermanisë
22 Shkurt, 15:09 -
VIDEO/ Toni Kroos i sinqertë: Goli i Leipzig ishte i rregullt
14 Shkurt, 20:26 -
Transferuan të talentuarin Veiga, tifozët e Al Ahli tallen me Napolin! Kroos s’përmbahet ndaj 21-vjeçarit spanjoll: E turpshme
24 Gusht 2023, 16:03 -
‘Karrierën e mbyll te Real Madrid’, Toni Kroos flet me bindje: S’dua të luaj në asnjë klub tjetër
2 Nëntor 2022, 12:46 -
Toni Kroos 'jep besën': E mbyll karrierën te Real Madridi
1 Nëntor 2022, 21:40
