POP 5

Lajmet më të lexuara të 5 minutave të fundit

Sport

Kualifikueset europiane të Botërorit, Franca rikthehet tek fitorja, Holanda 'turpëron' Turqinë! De Biasi nuk bën dot më mrekulli ndaj Portugalisë

Franca kampione e botës në fuqi rikthehet tek fitorja. “Gjelat” pas dy barazimeve radhazi mposhtën 2-0 Finlandën dhe kryesojnë grupin kualifikues të Botërorit. Goleada bënë Holanda e Danimarka ndërsa nuk gabuan as Portugalia e Kroacia.

Pas dy barazimeve radhazi Franca është rikthyer tek fitorja në grupin D kualifikues të Botërorit 2022. “Gjelat” kënduan sërish pasi mposhtën 2-0 Finlandën një nga rivalët direkt dhe shkëputën në klasifikim. Sfidën e vendosi dygolëshi shumë i bukur i Antoine Griezmann ndërsa transalpinët kryesojnë me 12 pikë 7 më shumë se vendi i dytë.

Holanda hakmerret dhe turpëron Turqinë duke u ngjitur në krye të grupit G me 13 pikë po aq sa edhe Norvegjia. Tulipanët luajtën tenis me Turqinë duke e mposhtur 6-1 ku shkëlqeu me tre gola Memphis Depay ndërsa nga një gol e shtuan Klasen, Til dhe Malen.Fitore jetike për Holandën për të siguruar vendin e parë dhe biletën direkte për në Katar.

Gianni De Biasi nuk bën dot më mrekulli ndaj Portugalisë. Luzitanët edhe pse pa Ronaldon e mposhtën Azerbajxhanin e trajnerit italian 3-0 dhe marrin të vetëm kreun e grupit A me 13 pikë dy më shumë se Serbia. Golat u shënuan nga Bernardo Silva, Andre Silva dhe Diogo Jota.

Në grupin F Danimarka di vetëm të fitojë dhe thuajse e ka siguruar bilëtën për në fazën finale të Botërorit. Danezët bënë goleadë mbrëmë ndaj Izraelit rivalit më të afërt duke e mposhtur 5-0. Skocia mban vendin e dytë në grup pasi fitoi 1-0 ndaj Austrisë.

Pas 6 ndeshjeve të para kualifikuese Kroacia dhe Rusia bashkëkryesojnë grupin H me nga 13 pikë. Kroacia likuidoi Slloveninë duke e mposhtur 3-0 në Split me golat e Livajas, Pasalic dhe Vlasic. Rusia kaloi lehtësisht 2-0 Maltën./ Përgatiti Andi Kapxhiu

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51