Kujdes çantat e rënda të shkollës, rrezik nga skolioza! Fizioterapisti: Çanta të peshojë sa 10% e peshës trupore të fëmijës

Çantat e rënda të shkollës të mbushura me shumë libra, qëndrimi jo i drejtë në bankat e shkollës është një ndër shkaqet e shtimit të rasteve deformimeve të shtyllës kurrizore tek fëmijët.

Teksa nxënës dhe prindër po përgatiten për nisjen nesër të vitit të ri shkollor fizioterapisti Kleton Kadillari sugjeron që çanta e shkollës të mos jetë më e rëndë se 10% e peshës trupore të fëmijës.

“Është një problem shumë i rëndësishëm që duhet ta theksojmë e kushtojmë shumë vëmendje për prindërit që çojnë fëmijët në shkollë, pasi rëndësia e çantave të rënda të shkollës nuk ka të bëj vetëm me problemet e dhimbjes apo lodhjes që do të ndiejnë fwmijët, pot ndikon drejtëpërdrejtë në posturën  e tyre si  mund të jetë psh një fenomen që njihet si shpatulla e rënë ku çantat e rënda të shkollës shkaktojnë ulje të njërës nga shpatullat dhe një disbalanc muskulare në regjionin torakal në zonën e shpatullave. Gjithashtu përveç zonës posturale mund të shkaktoj dhe dhimbje kronike të cilat më vonë mund të jenë të vështira për t’u trajtuar. Pesha ideale e çantës do ishte sa 10% e peshës trupore.”-u shpreh fizioterapisti.

Mjeku ndan disa këshilla bazë për prindërit që të mos e neglizhojnë atë që njihet si “ shpatulla e rënë” tek fëmijët apo deformime të shtyllës kurrizore tek ta.

‘Prindërit duhet të marrin çanta që nuk janë më të gjera se busti i fëmijës e jo më të gjata se busti i fëmijës. Pjesët më tenda, pra librat të vendosen në fund të çantës që të bëhet një shpërndarje e çantës.’- tha mjeku.

Ekspertët rekomandojnë vizita periodike për ekzaminim të hershëm, pasi në moshat adulte trajtimi bëhet më i vështirë.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Endrit: 12/09/2022 11:27

    Si prind, mendoj se problemi kijohet nga mungesa e standarteve ne perpilimin dhe prodhimin e librave te shkolles, dhe rendohet akoma me shume nga makuteria e te tenderuareve per realizimin e ketyre botimeve. Jo vetem qe pesha e letres se perdorur eshte shume me e larte sec duhet, por numri i faqeve ne shume prej librave nuk e justifikon sasine e permbajtjes. Eshte fatkeqesisht tejet e zakonshme te gjesh faqe te tera me ilustrime te tepruara, dhe shume pak tekst shpjegues perbri ketyre ilustrimeve, dhe kjo per lende qe zhvillohen vetem 1-2 ore ne jave. Shumica e ketyre librave mund te ishin sa 1/10 e peshes aktuale, pa hequr asnje presje nga permbajtja.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

SPAK firmos 9 masa sigurie, mes tyre 2 ish-zyrtarë të Bashkisë së Tiranës Mariglen Qato dhe Redi Molla

SPAK firmos 9 masa sigurie, mes tyre 2 ish-zyrtarë të Bashkisë së Tiranës Mariglen Qato dhe Redi Molla