Nga Lenini, Stalini, Enveri, Tito, dhe gjer më sot, të gjithë thonë (para se të vijnë në pushtet) “pushteti i takon popullit”. E ka shpikur përmes teorisë komuniste V.I. Lenini, dhe e la edhe pas vdekjes si dëshmi e faktit, si merret, si mbahet dhe si nuk lëshohet më pushteti. Bolshevikët erdhën në pushtet, pasi përmbysën me revolucion regjimin perandorak të Carit të Rusisë, dhe vendosën “pushtetin e popullit”.
Kush ka lexuar paksa histori e di, se si degradoi pushteti (i fituar pa votë) Leninit dhe pas tij i Stalinit, se si pushteti i tyre e bë gjakatar, duke vrarë, internuar dhe burgosur mijëra dhe miliona rusë, gjeorgjianë, ukrainas, dhe banorë të tjerë të ish-BRSS. Kjo ishte mënyra se si mbahej dhe nuk lëshohej më pushteti. Kohët evoluan, dhe sot jemi përballë një realiteti ndryshe. Kthesa e madhe e Gorbaçovit në 1990, bëri që sistemi komunisto-socialist të tregonte botërisht se ishte degraduar, se “pushteti i popullit” nuk kishte qenë kurrë i popullit, por i oligarkisë dhe shtresës së lartë politike dhe qeverisëse për disa dekada. Shqipëria, ishte vendi i fundit që “përmbysi” sistemin komunist, dhe se pushteti kaloi paqësisht nga partia e “sovjetëve” tek partia e “demokratikasve”.
Ende dhe sot pas 32 vitesh, nuk dihet qartë se, kush nxiti protestat, kush nxiti grevën e urisë, dhe kush solli paqësisht në pushtet Partinë Demokratike. Zërat lart e poshtë që thonë se “në 1992 Partia Demokratike fitoi bindshëm sepse mori votën e shumicës së shqiptarëve të lodhur me sistemin komunist”, më duken sot të pavërteta. Partia Demokratike, kurrë nuk ka fituar mbi 1 milion vota nga shqiptarët (siç mori PS në 1998 dhe 2013), ashtu siç nuk ka marrë edhe në 2005 apo 2009. Gjithmonë ka qenë e kontestueshme “fitorja” e pushtetit nga ana e asaj partie. Por le ti kthehemi “pushtetit të popullit”. Edhe Partia Socialiste sot thotë se “karrigen përkohësisht kemi tonën, pushtetin e ka populli, e ka votuesi ynë”. Kjo mendoj se pjesërisht është reale. Në dukje e lehtë, por është e vështirë të qeverisësh një vend si Shqipëria, aq sa është e pamundur të kontrollosh ministrat, drejtorët apo deputetët e partisë tënde, në gjithë aktivitetin e tyre. Edi Rama, mbetet i “pamëshirshëm” dhe i palëkundur, në deklarimet e tij lidhur me çdo rast abuzimi me paratë e taksapaguesve nga ata që sot i ka ministra, drejtorë apo deputetë. “Gjithkush që gabon, që vjedh, që shkel ligjin, të përgjigjet personalisht vetë para tij, mbrojtje politike nga unë dhe partia jonë nuk ka”-ka deklaruar kryeministri Rama. Dhe fakti është se, kush ka abuzuar me pushtetin, ka përfunduar dhe po përfundon në burg. Kjo ka rritur besimin dhe pritshmërinë e shqiptarëve tek Edi Rama. Ata e shohin sot kryeministrin socialist, si mëshirim i njeriut që mban premtimin, dhe nuk tutet nga fjala e dhënë. Edi Rama, ka treguar me fakte se, mund të sakrifikojë çdo emër në Partinë Socialiste, kur ai vihet nën akuzë me fakte nga drejtësia. Kush shpërdoron votën, besimin, postin dhe paratë e popullit, nuk ka vend në pushtetin e kësaj shumice qeverisëse. Gjëja më e rëndësishme në demokraci, është të mos zhgënjesh votuesit, dhe tu tregosh atyre se pushteti i takon atij që voton. Kjo është ajo që po bën Edi Rama, si njohës i mirë i realitetit larg dogmave propagandistike, që e favorizon atë gjithmonë kur vijnë zgjedhjet, duke patur të sigurtë fitoren dhe jo humbjen dhe dështimin.
Komente
Lajme të tjera
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
Çiklizëm/ 'Giro d’Italia' 2025 fillon nga Shqipëria me tre etapa, Rama: Garohet në Tiranë, Durrës dhe Vlorë! Ndiqet nga 800 milionë njerëz (Itinerari)
23 Dhjetor, 13:07 -
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21
Hipokrizia eshte bere etaloni ne Republiken e shtet kapur te Rames. Autori ne retoriken e tij thote se ende nuk dihet kush mbeshteti PD pas 90. Mjafton te shohe qe fushata e PD kishte pjese ambasadorin amerikan dhe ish sekretari i shtetit inaguroi fitoren per te kuptuar qe SHBA permes DASH dhe CIA e sollen ne pushtet "paqesisht", njesoj si sot mbajne kete "njohsin e realitetit" dhe "anti dogmatik". Interesant fakti dhe autori eshte per tu pergezuar ne gjetjen e tij qe "pushteti i takon atij qe voton" dhe jo te gjithe qytetareve, pra popullit. Eshte shume i sakte ne ate qe "fitorja eshte e sigurte" sa kohe Rama ka krijuar popullin e tij votues 1 milion: ku 800 mije jane burokrate+te punesuar nga oligarket e tij, dhe ata qe ngelen jane pa lidership ose shprese); nderkohe afro 2 milion jane jashte dhe asqe behet fjale te votojne realisht. Ndaj dhe mjeshtri i manipulimit dhe intimidimit zgjedhor, heroit galaktikor qe ashtu sikur Enver Hoxha, eshte nje i virgjer dhe i paster nga korrupsioni dhe krimi perreth dhe kurdo qe e lyp situata i gjen, shpall dhe shpartallon armiqte edhe brenda gjirit te partise, Rama eshte i mban "premtimet" e tij. Ne cdo demokraci, pushteti i takon te gjithe pupullit jo nje pjese te tij. Eshte detyre dhe obligim kushtetues qe organet e shtetit te sigurojne kushtet qe kushdo te ushteoje te drejten e votes votoje kudo qe ndodhet. Ajo qe po ndodh ne Shqiperi si shkak i korrupsionit te rende politik, eshte me keq se edhe vitet 20 kur votimi behej me kokrra fasulesh. Fitoret e sigurta jane si ajo e Pirros ku demin me i madh i behet demokracise ne kuptimin e plote te saj dhe jo sipas definimit nga pykat e rilindjes "atij qe voton"!
PërgjigjuPopullit i takon kazma dhe lopata ajazooo
Përgjigju