Kur në Tiranë dëgjon politikanë, intelektualë, gazetarë të shprehen se... "lufta ndaj lajmeve të pavërteta, është luftë ndaj lirisë së fjalës dhe demokracisë...", qytetarët duhet t'i rendisin ata automatikisht në njerëz që punojnë për shpërndarjen e të keqes. Pa u menduar gjatë e u thelluar se ku bazohen deklaratat e tyre, ata shprehen qartë se synojnë të shpërndajnë errësirën aty ku duhet të shohim dritën. Kjo luftë moderne që ka prekur e kërcënon edhe vende me demokraci e qytetari më të zhvilluar, mendoni se c'bën përditë tek ne. Vetëm më të zgjuarit, më të diturit, më të ndjeshmit e të drejtët do të mund të dallojnë e të pretendojnë të mësojnë lajmin e vërtetë, nga sajimi i rremë.
Por kur kjo i ndodh Europës...
Në prag të zgjedhjeve të 23-26 majit 2019, ku 27 vende anëtare të BE-së do të votojnë për të rinovuar Parlamentin Europian, lajmet e rreme kanë nisur të marrin dhenë dhe kundërshtarë të tyre janë vetëm mediat dhe gazetarët profesionalë. Cfarë po ndodh në të vërtetë?
Lajmi i rremë: "Franca i shet krahinat e saj Gjermanisë". Lajmi është kaq absurd sa askush nuk merr mundimin të përgënjeshtrojë se Franca nuk ka ndërmend aspak të "shesë" dy krahinat e saj lindore, Alsasën dhe Moselën. Në fakt Macron e Merkel do të takohen me 22 janar dhe do të firmosin një traktat mes dy vendeve që synon "bashkëpunimin" dhe sipas mediave serioze në tekstin e bashkëpunimit nuk ka asnjë citim apo aludim për shitje krahinash. Eshtë vetëm një referim në pikën e 4, - raportojnë mediat franceze dhe gjermane - që flet vetëm për shkëmbim ndërkufitar mes krahinave. Janë të gjitha pika që do të ndohmojnë në përmirësimin e jetës së banorëve dhe lehtësimin e procedurave sa i takon shkëmbimit tregtar, përmirësimit mjedisor etj.
E megjithatë lufta në rrjet ka shpërthyer ndërkohë. Si nisi? Akuzat e trasha i hodhi i pari një eurodeputet, Bernard Monot: "Domosdoshmëria e transparencës dhe mungesa e besimit duhet të merren seriozisht në konsideratë nga qeveritë", tha ai për marrëveshjen. Mjaftoi kjo për të ndezur rrjetet sociale e për të nxitur Marinë Le Pen të akuzojë Macron se "po shet vendin dhe se po prek sovranitetin"... pas kësaj peticione online, akuza, urrejtje....
Teksti i marrëveshjes mes Francës dhe Gjermanisë në të vërtetë është teknik dhe nuk u shpjegua apo komentua qartë nga qeveria për qytetarët. Teknicienët që e kanë lexuar atë shohin fare qartë se nuk ka asnjë synim për shitje-blerje territoresh, por mungesa e transparencës dhe e modestisë nga ana e pushtetarëve nga një anë dhe padituria e përzier me qëllimet e këqija, bënë të infektohet rëndë opinioni publik i dy vendeve të fuqishme europiane.
Kur kjo ndodh në Francë e Gjermani, c'presim të ndodhë në Shqipëri kur nga një anë disa burokratë shqiptarë janë superdembelë të shpjegojnë dhe superarrogantë të jenë në shërbim të informacionit të pastër dhe të lirë, e nga ana tjetër qëllimkëqinjtë mezi presin që nga mungesa e transparencës dhe nga padija të përfitojnë.
Shpërndarja e lajmeve të gënjeshtërta është një luftë e thellë, që nuk duhet të mjaftohet me deklarata të radhës, por me një informacion (jo propagandë) të përditshëm e të qartë. Në demokraci, ne shqiptarët, jemi ende si fëmijët e klasës së parë. Nëse nuk mësojmë mbi të vërtetën e të drejtën tani, rrezikojmë të largohemi nga qytetërimi e shteti i së drejtës.
Lajme të tjera
-
Nuk kishte si të ndodhte ndryshe, “kalbja mediatike” e Tiranës infektoi Prishtinën
19 Gusht, 12:15
-
Alba Malltezi: Qartësim deri në fund i vrasjes në Pogradec dhe 10 pyetje që mbeten në kokën e secilit prej nesh
14 Gusht, 19:09
-
Frika e pafalshme ndaj diversitetit që dikë po e vret!
24 Shkurt, 19:13
-
Rithemelimi të gjejë mënyrën si të ngrihet në nivelin e shqiptarëve! Shqiptarët nuk ulen dot!
21 Shkurt, 17:00
-
Alba Malltezi: Fundi i politikës agresive dhe i medias binjake të saj
20 Nëntor 2022, 18:51
-
Alba Malltezi: Ja përse fjalët e Escobar dhe të gjithë amerikanëve për Berishën, janë për veshët e shqiptarëve, muzikë
25 Tetor 2022, 19:32
-
Alba Malltezi: Vdekja e Lear Kurtit si një test nëse në Shqipëri strehohet njerëzorja
24 Tetor 2022, 11:31 -
Alba Malltezi: Aktivistja Evi Kokalari si matësja më e mirë e gjendjes në PD
21 Tetor 2022, 15:33
-
Alba Malltezi: Ja pse është kaq tragjikisht i vërtetë Gent Pjetri
17 Tetor 2022, 19:29
-
Malltezi: Ata që e këshillojnë Saliun të bëhet i ëmbël si mjaltë dhe socialistja e Beratit
11 Tetor 2022, 11:56
-
Policia e Shtetit: Dokumenti kundër eksponentëve të MEK që merren me trafiqe, është 'fake'
17 Shkurt 2022, 16:47 -
Ambasadorja Yuri Kim, si të ishte ndër shqiptaret më të mira
23 Nëntor 2021, 09:23
