POP 5

Lajmet më të lexuara të 5 minutave të fundit

Kosova & Rajoni

Kurti: Ministri Hoxhaj e kryenegociatorja Tahiri po e anashkalojnë Kuvendin

Kryetari i Komisionit për Punë të Jashtme, Albin Kurti, e ka kritikuar ministrin e Jashtëm, Enver Hoxhaj, dhe shefen e ekipit dialogues, Edita Tahiri, për anashkalim të Kuvendit, si organi më i lartë legjislativ, përfaqësues dhe politik i vendit. Për secilin veç e veç ka treguar se në cilat raste nuk i janë përgjigjur kërkesave të Komisionit parlamentar që ai e drejton.
Kurti: Ministri Hoxhaj e kryenegociatorja Tahiri po e anashkalojnë Kuvendin
Kryetari i Komisionit për Punë të Jashtme, Albin Kurti, e ka kritikuar ministrin e Jashtëm, Enver Hoxhaj, dhe shefen e ekipit dialogues, Edita Tahiri, për anashkalim të Kuvendit, si organi më i lartë legjislativ, përfaqësues dhe politik i vendit. Për secilin veç e veç ka treguar se në cilat raste nuk i janë përgjigjur kërkesave të Komisionit parlamentar që ai e drejton, shkruan Koha ditore.

“Më 20 shkurt të këtij viti, atëherë kur i kishim 88 njohje të pavarësisë, ministrit (Hoxhaj v.j) ia kam dërguar një kërkesë për të dorëzuar nga një kopje të të gjitha notave verbale që Ministria e Punëve të Jashtme i ka pranuar deri në atë kohë…. Kanë kaluar më shumë se katër muaj prej se kjo kërkesë është dorëzuar dhe KPJ-ja, përveçse nuk ka pranuar asnjë kopje të notave verbale, nuk ka marrë ndonjë përgjigje lidhur me këtë kërkesë”, ka njoftuar Kurti.

Dy muaj më vonë, përkatësisht më 27 prill, në një nga mbledhjet e Komisionit për Punë të Jashtme ka qenë prezent ministri Hoxhaj. Gjatë asaj mbledhjeje, sipas Kurtit, ministri ka premtuar që deri në fund të muajit maj, do t’ia dorëzonte Komisionit: kopjet e notave verbale; Strategjinë e plotë për njohjet; raportin financiar për fushatën e lobimit jashtë dhe brenda vendit për njohjen e pavarësisë së Kosovës; letrat që ua ka dërguar homologëve të tij në bashkësinë ndërkombëtare për arrestimin e Hasan Abazit, Arben Murselit, dy policëve kosovarë në Dumnicë, Burim Telakut, ekstradimin e Shemsi Nuhiut dhe vrasjen e Selver Haradinajt; si dhe Planin strategjik për Akademinë Diplomatike.

“Ndonëse ka kaluar ky afat, Komisioni nuk i ka marrë as dokumentet e kërkuara, as përgjigje lidhur me pesë çështjet e cekura”, ka thënë për Kohen Ditore, Albin Kurti.

Një “arrogancë” të tillë, të mospërgjigjes në letra, sipas Kurtit, e ka treguar edhe zëvendëskryeministrja Edita Tahiri.
/rg/shqiptarja.com/ 

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Analiza e VOA: Demokracia në provë në Evropën Lindore mes akuzave për ndërhyrje nga Rusia

Analiza e VOA: Demokracia në provë në Evropën Lindore mes akuzave për ndërhyrje nga Rusia

25 Dhjetor, 19:34