POP 5

Lajmet më të lexuara të 5 minutave të fundit

Kronikë

Kushtetuesja u mbyll derën gjyqtarëve e prokurorëve që u shkarkuan edhe me votën e Luan Dacit: Nuk shqyrtojmë vendimet e KPA-së

Gjykata Kushtetuese refuzon kërkesën e ish gjyqtares së Apelit Korçë Entela Prifti për të rishikuar vendimin e KPA-së që e shkarkoi nga detyra. Pjesë e trupit gjykues ishte edhe Luan Daci, i shkarkuar dhe i dënuar më pas.

Kushtetuesja u mbyll derën gjyqtarëve e prokurorëve që u shkarkuan edhe me votën e Luan Dacit: Nuk shqyrtojmë vendimet e KPA-së

Gjykata Kushtetuese

Gjykata Kushtetuese nuk do të pranojë shqyrtimin e kërkesave të ish gjyqtarëve dhe prokurorëve, të cilët kanë pretendime për shkelje gjatë procesit të Vetingut, ku në fund janë shkarkuar me vendim të formës së prerë. Në 13 mars 2023, Kushtetuesja ka vendosur që të refuzojë kalimin për shqyrtim në seancë plenare kërkesën e fundit, atë të ish gjyqtares së Apelit në Korçë, Entela Prifti. Zonja Prifti kërkonte nga Gjykata Kushtetuese rishikimin e vendimit të Kolegjit të Apelimit, që e shkarkonte atë nga detyra në formë të prerë, me pretendimin e një procesi jo të rregullt ligjor, pasi pjesë e trupës gjykuese ishte edhe Luan Daci, i shkarkuar dhe i dënuar më pas pasi kishte paraqitur të dhëna të rreme gjatë planit për t’u bërë pjesë e KPA.

Entela Prifti i referohej vendimit të datës 04.10.2022 të Gjykatës Evropiane për të Drejtat e Njeriut (GJEDNJ), në çështjen Besnik Cani kundër Shqipërisë. Gjykata e Strasburgut ka pranuar pjesërisht paditë e ish prokurorëve Besnik Cani dhe Antoneta Sevdari, ndërsa ka rrëzuar plotësisht pretendimet e ish gjyqtareve Altina Xhoxhajn dhe Besa Nikëhasani. Gjykata ka vendosur rigjykimin e Besnik Canit nga Kolegji i Apelimit, për shkak se pjesë e trupës gjykuese në KPA gjatë procesit të shkarkimit, ishte edhe Luan Daci. Gjykata ka vendosur dëmshpërblim me 25 mijë euro për Antoneta Sevdarin, për shkelje të nenit 8 të Konventës Evropiane për të Drejtat e Njeriut, që ka të bëjë me drejtën e respektimit të jetës së tij private dhe familjare, banesës dhe korrespondencës së tij

Sipas Entela Priftit, Luan Daci, i cili ka marrë pjesë në trupin gjykues të KPA-së që ka që ka shqyrtuar çështjen e saj, është zgjedhur nga Kuvendi i Shqipërisë në shkelje të kritereve ligjore për të qenë anëtar i atij organi. Ky gjyqtar ka qenë edhe anëtar i trupit gjykues që ka shqyrtuar çështjen e Priftit. Por, Gjykata Kushtetuese thekson se aneksit të Kushtetutës parashikon se KPA-ja është organi i vetëm gjyqësor që shqyrton ankimet kundër vendimeve të KPK-së. Sipas Kushtetueses, kjo gjykatë, nuk ka tagër për të shqyrtuar ligjshmërinë e vendimeve të KPA-së.

“Për sa më sipër, si edhe në përputhje me qëndrimin që Gjykata ka mbajtur tashmë në shqyrtimin e kërkesave që kundërshtojnë procesin e rivlerësimit kalimtar, juridiksioni i saj në shqyrtimin e ankimit kushtetues individual për këto çështje është i kufizuar nga vetë Kushtetuta, ndaj pretendimet që kanë të bëjnë me vendimmarrjen e këtyre organeve, qofshin të natyrës kushtetuese, ku përfshihet e drejta për proces të rregullt, nuk mund të jenë objekt shqyrtimi në këtë Gjykatë. Subjektet e rivlerësimit nuk legjitimohen t’i drejtohen Gjykatës, nëpërmjet ankimit kushtetues individual, për pretendime ose kërkesa që i përkasin atij procesi, i cili, siç vlerëson edhe GJEDNJ-ja, ka natyrë përfundimtare brenda sistemit të brendshëm të ankimeve”, thuhet në vendim.

Vendimi i Gjykatës Kushtetuese

Vendimi i Gjykatës Kushtetuese

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mandi: 03/04/2023 18:19

    I nderuar gazetar, shkrimi juaj nuk pasqyron te verteten ose e pasqyron ate shtrember. Keshilla me e mire ne kete rast, kur trajtohen ceshtje te ligjit dhe gjyqesorit, eshte te konsultosh profesioniste. Nga leximi i permbajtjes se lajmit, kuptohet se ne fakt GJK nuk ka refuzuar kerkesen e kerkuesit. Ajo ka deklaruar se nuk ka juridiksion, duke vendosur moskalimin e ceshtjesh per shqyrtim. Refuzimi do te nenkuptonte qe pas shqyrtimit, GJK te vendoste mospranimin ose rrezimin e kerkeses.

    Përgjigju
    • Nami: 03/04/2023 22:17

      Hajt ere ti jurist i gjithditur, refuzim wshte okay, rrezim do ishte sic thua ti. Me shume juriste se kameriera

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kurbin/ Humb kontrollin e mjetit dhe del nga rruga, humb jetën 65 vjecari

Kurbin/ Humb kontrollin e mjetit dhe del nga rruga, humb jetën 65 vjecari

25 Dhjetor, 08:23