POP 5

Lajmet më të lexuara të 5 minutave të fundit

Kronikë

Lajme nga emisionet

Kuvendi ‘Ok’ arrestimit të Ahmetaj, Meçe: Do ta dorëzoj vetë mandatin! Muça: Rama ua ka bërë të qartë, kush del nga rruga, bëhet avokat i vetes

Mes debatesh PD e PS i hapën rrugë në Këshillin e Mandateve autorizimit të SPAK për kontrollin e banesës dhe arrestimin e Ahmetajt. Në emisionin ‘Repolitix’ në Report Tv, analisti Arben Meçe u shpreh se do të jetë vetë Arben Ahmetaj që do të dorëzoj mandatin pa pritur një qëndrim tjetër

Mes debatesh PD e PS i hapën rrugë në Këshillin e Mandateve autorizimit të SPAK për kontrollin e banesës dhe arrestimin e Ahmetajt. Në emisionin ‘Repolitix’ në Report Tv, analisti Arben Meçe u shpreh se do të jetë vetë Arben Ahmetaj që do të dorëzoj mandatin pa pritur një qëndrim tjetër.

‘Nëse komisioni i mandateve ka një votim gati të hapur në Kuvend është i mbyllur. Votimi është i fshehtë. Në këtë plan jam i bindur se do të jetë dorëzim mandati dhe nuk pres ndonjë qëndrim tjetër. Arben Ahmetaj nuk është personi që ka ndonjë forcë politike brenda PS-së. Nuk ka një fuqi absolute. Një gjë është e qartë qëndrimi politik është i shprehur dhe i qartë. Në finalë parlamenti do ti japë leje prokurorisë të bëjë dy veprime arrestimin dhe kontrollin e shtëpisë. Tjetër është imuniteti dhe tjetër është kjo e drejtë që parlamenti vazhdon ta mbajë. Deputeti është deputet është përfaqësuesi i popullit, është institucion. Kurdo në çdo kohë, në Shqipëri nuk ka më imunitet kushdo do ti nënshtrohet procedurës së hetimit.’- tha Meçe.

Gazetari Flogert Muça, u shpreh se nuk kishte asnjë surprizë në qëndrimin e PS-së pasi Rama ua ka bërë të qartë se kushdo që del nga hullia bëhet avokat i vetes.

‘Mazhoranca ka vepruar njëlloj gjithmonë. Në burg jo, ama për çdo gjë tjetër që lejohet kontrolli në banesë po. Nuk kishte asnjë surprizë Edi Rama u bë shumë vite që ka thënë se këtu jemi bashkë për vizioni dhe atë që u kemi premtuar shqiptarëve. Kush del nga kjo hulli bëhet avokati i vetes.’- tha Muça.

Ndërkohë analisti, Leonard Karaj, tha se SPAK nuk duhet t’i kishte veçuar rastet por duhet t’i hetonte si grup i strukturuar kriminal. Karaj u shpreh se paratë që paguhen sot për inceneratorin e Elbasanit nuk shkojnë për inceneratorin por për faturat që janë prerë për to.

‘Paratë që paguan sot në incenratorin e Elbasanit nuk shkoj për inceneratorin por për faturat që janë prerë për to. Deri para dy muajsh merrnin 1 mln euro në muaj nga shteti shqiptar. SPAK nuk i mori këta njerëz për grup të strukturuar kriminal por i veçoi të gjithë. Të korrupsioni është e vështirë që ti ta lidhësh një pagesë që ka bërë Zoto ta lidhësh me inecenratorin. Në tabulatet që kanë dalë ky ka pasur miqësi të hershme me Mërtirin.’- tha Karaj.

Të hënën në orën 17:00 do të mbahet seanca e posatçme për t’i dhënë autorizimin SPAK për arrestimin e ish ministrit Arben Ahmetaj. Mes debatesh PD e PS i hapën rrugë në Këshillin e Mandateve autorizimit të SPAK për kontrollin e banesës dhe arrestimin e Ahmetajt. Avokatët e tij të pranishëm në mbledhje, thanë se akuzat ndaj tij janë hamendësime ndërsa refuzuan të tregojnë se ku ndodhet ish ministri.

    M.Q./r.k./Shqiptarja.com
    Komento

    KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

    • Sondazhi i ditës:
      23 Dhjetor, 23:33

      Opozita proteston duke paralizuar 3 orë Tiranën, si e vlerësoni?

    Lajme të tjera



    ×

    Lajmi i fundit

    Protesta e Berishës, Faik Basha i PL-së e pranon: Nuk kishim shumë njerëz edhe prej motit! Haklaj: Mosbindja civile, teatër! PD bllokoi rrugët, vepër penale

    Protesta e Berishës, Faik Basha i PL-së e pranon: Nuk kishim shumë njerëz edhe prej motit! Haklaj: Mosbindja civile, teatër! PD bllokoi rrugët, vepër penale

    25 Dhjetor, 17:47