POP 5

Lajmet më të lexuara të 5 minutave të fundit

Opinion

Periferi

Kërcënues dylekësh, gati të vërsulen mbi ambasadorë e këdo

 "Fundi i mosndëshkimit për korrupsionin e nivelit të lartë është thelbësor. Askush nuk është mbi ligjin. Duhet të rriten hetimet financiare, si dhe dënimet përfundimtare dhe konfiskimet e fundit të pasurive të paligjshme”, tha sot i sulmuari prej dylekëshave, ambasadori Soreca. E pra, ky është gjithë problem. Këtu fshihet gjithë misteri dhe sikleti i të impenjuarve dylekësha.

Kërcënues dylekësh, gati të vërsulen mbi ambasadorë e këdo

Si popull kemi një fjalë që peshon mirë këdo: “ai nuk vlen dy lekë”. E me pesha që nuk vlejnë dy lekë, është mbipopulluar prej kohësh mjedisi ynë mediatik. Në të vërtetë, nuk është mjedis i mirëfilltë mediatik ai që mbledh dylekëshit në peshë. Realisht është një mjedis politiko-kriminel që pastron para’ e që ka tashmë prej disa vitesh mision dizinformimi me qëllime të qarta të mbajtjes së një statusi quo në vend. Sidomos për Drejtësinë që i pëlqen ta mbajë Padrejtësi e për politikën, që i pëlqente shumë ta kthente në aferë klani apo fisi primitiv.

Pesha e tyre jo më shumë se dy lek, u verifikua hap pas hapi duke dëshmuar me fakte se askush nuk i ndjek, askush nuk i dëgjon, përkundrazi shkaktojnë një megaalergji në vend duke krijuar efektin e kundërt që ata dëshirojnë. E megjithatë, bëjnë sikur nuk kuptojnë. E megjithatë vazhdojnë me të njëjtën kakofoni, me të njëjtën baltë e fjalor turpërues që i karakterizon. I kujtojmë në refren kundër ish-ambasadores së BE, Vlahutin, e tashmë i ridëgjojmë sërish në refren kundër Soreca-s. Nuk ka flokë të kuqe ambasadori Italian i BE, por mesa duket “vuan” nga i njëjti “mëkat” i njerëzve që kanë logjikë dhe lëvizin sipas ligjeve dhe normave që rregullojnë një shoqëri. Njësoj si Vllahutin më parë, njësoj si Ambasadorja e SHBA Yuri Kim. Dhe vetëm prej faktit se logjika kombëtare, ndërkombëtare bien ndesh me logjikën fisnore e klanore të dylekëshave të kullave informale e misterioze të Tiranës, atëherë janë “të denjë” për masakrim mediatik e politik.

Nëse dikush nga jashtë, që nuk njeh realitetin shqëiptar i lexon apo i dëgjon, për pak mund t’i marrë seriozisht, mund t’I konsiderojë si një “zë i lirë”, i “ndryshëm” në vend. Por nuk është e vështirë që shpejt të kuptohet kush janë dhe përse i bëjnë vërsuljet e egra që propozojnë dëbim, eliminim, mënjanim.

 "Fundi i mosndëshkimit për korrupsionin e nivelit të lartë është thelbësor. Askush nuk është mbi ligjin. Duhet të rriten hetimet financiare, si dhe dënimet përfundimtare dhe konfiskimet e fundit të pasurive të paligjshme”, tha sot i sulmuari prej dylekëshave, ambasadori Soreca. E pra, ky është gjithë problemi. Këtu fshihet gjithë misteri dhe sikleti i të impenjuarve dylekësha.

a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • armand: 05/07/2021 18:15

    Teper ja ke vu cmimin. Media Salih maskarait as minus dy ska shanc te vleje

    Përgjigju
  • pop: 05/07/2021 18:14

    E ke fjalen per qenin qim peka? lereni te lehe edhe pak

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46