Largimi nga hotelet, Durrësi shtyn afatin për disa kategori, ja kush do vijojë të qëndrojë

Bashkia e Durrësit ka shtyrë afatin e largimit nga hotelet për banorët që u është shembur shtëpia apo është bërë e pabanueshme dhe që janë në proces për të marrë bonusin e qirasë nga pushteti lokal. Pas interesimit të Report Tv, bashkia e Durrësit sqaroi se 480 familjet që kanë qenë në banesa me qira kur ra tërmeti i 26 nëntorit, duhet të dalin nga hotelet që janë vendosur. Gjithashtu, po sipas bashkisë edhe 25 familje që aktualisht janë në hotel, por që kanë përfituar bonusin duhet të largohen. Ndërkohë që familjet që u është shembur shtëpia apo është bërë e pabanueshme, por që janë në proces të marrjes së bonusit të qirasë do të vijojnë që të qëndrojnë në hotelet e Durrësit deri në një urdhër të dytë. Njëra prej banoreve që i është shembur shtëpia i tha Report Tv se nëse nuk do të shtyhet vendimi i largimit nga hoteli do të dalë në protestë nesër, por tashmë bashkia deklaroi se ata që ende nuk kanë marrë bonusin do të vijojnë të qëndrojnë këto struktura.

Lajmi kryesor:

Largimi nga hotelet, pas Thumanës edhe Durrësi shtyn afatin për disa kategori, ja kush duhet të dalë! Banorët: Shteti të gjejë zgjidhje ose të na djegë

/r.k./Shqiptarja.com

TAG:
• termet me viktima ne Shqiperi