“ Festat duan dashuri”. Ky mesazh u përcoll ngrohtësisht sot në 28 qendrat e përkujdesit rezidencial në të gjithë vendin. Për fëmijë, të moshuar, persona me aftësi të kufizuar, viktima të dhunës dhe trafikut, u organizuan festa dhe u shpërndanë dhurata.

Ministrja e Integrimit Europian, Klajda Gjosha, ishte e pranishme tek Shtëpia e Foshnjës 0-6 vjeç, “Hana dhe Rozafa”, Tiranë.

“Këta fëmijë meritojnë të ndjejnë dashurinë prindërore në çdo ditë të vitit dhe veçanërisht në këto ditë fesash. Më vjen mirë që vëmendja jonë ndaj tyre është rritur dhe do tu bëja një apel të gjithëve që të jemi më pranë këtyre të vegjëlve për tu mundësuar atyre ngrohtësinë familjare dhe një të ardhme “, tha Ministrja Gjosha.

Për 31 fëmijët e kësaj qendre u shpërndanë dhurata, ndërkohë që nga viti në vit gama e shërbimeve që ofrohen për ta është rritur.

Gjosha
Gjosha

Redaksia Online
XH.K/Shqiptarja.com