Ajo sërish po lëviz! Pas disa ditësh përpjekjesh, anija e madhe me kontejnerë që kishte bllokuar Kanalin e Suezit, emrin e të cilës Ever Given tani e njeh mbarë bota, sërish mund të lëvizë. Kjo nuk do të thotë që trafiku është kthyer në normalitet në një prej rrugëve kryesore ujore për transportimin e mallrave. Por është një lajm i mirë për tregtinë botërore fakti që ky gjigand mund të mënjanohet dhe nuk ka nevojë të shkarkohen me qindra kontejnerë. Sepse çdo ditë shtesë e bllokimit kushton para të gatshme: Shoqata e sigurimeve Allianz vlerëson humbjet javore midis gjashtë dhe dhjetë miliardë dollarë.
Kjo nuk është për t'u habitur, kur dihet se 13 përqind e vëllimit të përgjithshëm të tregtisë botërore kalon nëpër këtë Kanal midis Detit të Kuq dhe Mesdheut. Kjo është rruga më e shkurtër detare për shkëmbimin e mallrave midis Azisë dhe Evropës. Por ai është - e këtë e kanë dëshmuar qartë ditët e fundit - si një vrimë gjilpëre me një kalueshmëri të kufizuar. Ndaj mjafton një stuhi rëre, e ndoshta edhe një kapiten jo tepër i kujdesshëm, që arteria e tregtisë botërore të bllokohet.
Problemi just-in-time
Dhe pikërisht si tani bllokohen të paktën 400 anije të tjera (të ngarkuara me mallra në vlerë prej dhjetë miliardë dollarësh) në hyrje të Kanalit. E drejtuesve të anijeve u mbetet vetëm të shpresojnë se kanali do të zhbllokohet. Po çfarë duhet të bëhet nëse të gjitha anijet e vonuara mbërrijnë në të njëjtën kohë, apo just-in-time? Pandemia Corona ka bërë të qartë edhe një gjë tjetër: Të gjitha gjërat janë qepur në kornizë, e kjo shumë shpejt mund të shqepet!
Që në fillim të pandemisë, kur Kina i mbylli fabrikat e saj dhe shpalli mbylljen e vendit, u pa në një moment se kontejnerët nga Kina nuk mbërrinin me kohë dhe mungonin pjesë të rëndësishme në linjat e prodhimit. Më vonë edhe Evropa i mbylli fabrikat e saj - për shembull, blerësit në ndërmarrje raportuan më pak kërkesë për pjesë elektronike në industrinë e automobilave. E kur fabrikat aziatike të çipave filluan përsëri të punojnë, prodhimi atje ndryshoi, sepse ndryshuan edhe kërkesat për miliona produkte. Por pas rifillimit të prodhimit të makinave, mungonin pjesë, si në Volkswagen, për shembull, i cili nuk ishte në gjendje t'i montojë 100.000 makina vitin e kaluar për shkak të mungesës së pjesëve. Pas djegies së një fabrike të çipave në Japoni u bë e qartë se problemet mund të zgjasin edhe më shumë.
Pengesat në furnizim
Pengesat në furnizim janë vërejtur kohët e fundit edhe në fusha të tjera të industrisë. Per shembull, në Gjermani ka tani mungesa të biçikletave. E kjo ka të bëjë me mungesën e mjeteve të transportit, sepse avionët prej një viti nuk janë duke fluturuar si më parë, e me këta avionë janë dërguar edhe shumë mallra.
Kriza e Coronës nuk do të thotë se ka ardhur fundi i globalizimit. Shpresa e atyre që thonë se me këtë krizë do të marrë fund edhe tregtia botërore nuk do të plotësohet. Por kjo nuk do të thotë se globalizmi po funksionon mirë. Përkundrazi: shumë gjëra duhet të bëhen më mirë, so për shembull respektimi i standardeve të duhura sociale në punë. Sipërmarrjet dhe kompanitë kaherë kanë filluar të bëjnë llogaritë, nëse është më mirë që të grumbullojnë pjesët e domosdoshme dhe të kenë rezerva. Sepse një gjë është e sigurt - bllokadat si kjo e Kanalit të Suezit do të ndodhin edhe në të ardhmen dhe do të pengojnë rrjedhën e tregtisë botërore./DW
Lajme të tjera
-
Zhdukja e anijeve “Maersk” me 816 tonë mbetje në kontenierë, zbardhet itinerari dhe kronologjia e plotë! Tajlanda: Ngarkesa do kthehet mbrapsht
13 Gusht, 14:03 -
Asnjë gjurmë nga anijet me 816 tonë mbetje toksike! Tajlanda: S’kemi dhënë pëlqim për dërgesën! Njoftuam edhe Shqipërinë për të ndaluar ngarkesat
13 Gusht, 09:15 -
U përplas me një anije në kanalin e Suezit, mbytet rimorkiatori me 7 persona në bord! Autoritetet vijojnë operacionet e kërkim-shpëtimit
6 Gusht 2023, 10:14 -
Tragjedia në Itali, 62 viktima! Të mbijetuarit: Trafikantët u frikësuan, menduan se ishte policia kur panë drita! Hodhën rreth 20 persona në det për të lehtësuar anijen
27 Shkurt 2023, 07:57 -
Anija pushtohet nga dallgët, ekuipazhi shpëtohet me helikopter (VIDEO)
6 Prill 2021, 15:42 -
Teufik Fishta, inxhinieri durrsak që ndërtoi rimorkiatorin e Suezit (FOTO)
4 Prill 2021, 13:39
-
Lirohet më në fund Kanali i Suezit, zhvendoset anija që e bllokoi prej gati një jave
29 Mars 2021, 16:03 -
Kanali i Suezit drejt normalizimit, lëviz anija “Evergreen”
29 Mars 2021, 09:12 -
Në fillim anija dhe tani kamioni, ‘Evergreen’ shkakton sërish bllokim, këtë herë në autostradën e Kinës
29 Mars 2021, 08:13 -
Pas përpjekjeve të vazhdueshme, më në fund shpresë për lëvizjen e anijes së bllokuar në kanalin e Suezit
28 Mars 2021, 10:22 -
Bllokimi i Kanalit të Suezit krijon trafik, pamjet satelitore tregojnë 200 anije në pritje për të kaluar (FOTO)
26 Mars 2021, 10:32 -
Një anije e madhe kontejnerësh përplaset në Kanalin e Suezit, bllokohet një prej rrugëve më të rëndësishme ujore në botë
24 Mars 2021, 10:38
