POP 5

Lajmet më të lexuara të 5 minutave të fundit

Kronikë

Lëreni Arbën të qetë!

Ka një lumë komentuesish që kanë përmbytur wall-in në Facebook apo dhe Instagram të Arba Kokalarit, vajzës me origjinë nga Shqipëria, që është rritur, edukuar në Stokholm/Suedi dhe i kërkojnë 32-vjeçares që mos të harrojë Shqipërinë, vendin ku ka lerë, që të shkruajë shqip, që të mbajë ndonjë flamur shqiptar, e kështu me radhë.

Lëreni Arbën të qetë!

Nga Mira Kazhani

Ka një lumë komentuesish që kanë përmbytur wall-in në Facebook apo dhe Instagram të Arba Kokalarit, vajzës me origjinë nga Shqipëria, që është rritur, edukuar në Stokholm/Suedi dhe i kërkojnë 32-vjeçares që mos të harrojë Shqipërinë, vendin ku ka lerë, që të shkruajë shqip, që të mbajë ndonjë flamur shqiptar, e kështu me radhë.

Ky nuk është as naivitet por është pjesë e psikopatisë së brigadave mediokre të rrjeteve sociale, që vdesin e shkrihen mbi flamur e për Shqipëri dhe sot vdesin për Arbën, që s’e kanë ditur më parë që ekzistonte, që po ta shohin keq e kthejnë nga heroinë në një të mallkuar. Arba ka ikur e vogël fare nga Shqipëria me familjen e saj.

Arba Kokalari fitoren ia detyron zgjedhësve të vet, përfshi edhe shqiptarëve emigrantë që jetojnë atje dhe që e mbështetën. Por, që të kuptohemi, Arba ka fituar si një suedeze dhe akoma më shumë ka fituar se është e zonja e vetes. Ia ka dalë se ka punuar dhe ka qenë bindëse.

Pa as më të vocklin dyshim, të hapet syri kur sheh që një vajzë emigrantësh shqiptarë bën karrierë në politikë dhe ia del. Por, a do t’ia dilte Arba po të ishte në Tiranë?

Arbën do ta kishin shtypur, jo tamam si dikur gjakun e saj Musine Kokalarin, por në demokracinë e Tiranës ka forma të reja persekutimi për njeriun që punon, studion, rritet dhe kërkon të kapë majën e vet.

Në Tiranë Arba duhet të bëhej njëherë pis në baltën politike dhe më pas do ngjitej lart, nëse do kishte dedikimin për të qenë ushtare e denjë e kryetarit. Me pak fjalë, Arba në Tiranë nuk do ekzistonte, me gjasë, ndaj lëreni të qetë Arbën të vazhdojë jetën dhe karrierën e saj dhe mos mbështillni në fatin e saj politik, komplekset tuaja fejbukiste.

Thjesht urojini fat dhe reflektoni sesi do duhet që në Shqipëri të lindin Arba dhe të rriten politikane duke mbetur po Arba.

Ekzaltimi pas suksesit të saj, që nuk ka pikën e lidhjes me Shqipërinë, veç ADN-së së saj, është paradoksi që përsëritet për adhurimin që shfaqim për çdo gjë që s’patëm mundësi ta shkelim.

A rritim dot ne Arba? Pa i hequr këpucët, pa u përleshur me policinë? Pa recituar statusin e kryetarit? Pyetje të kota, me pak fjalë!/(tiranapost.al)

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Petraqi: 28/05/2019 00:33

    Me mire Arba te thote jam suedeze sesa ti thote vetes jam shqiptare kur shqiptaret po lene nam neper Europe dhe mbare boten

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindja në Tiranë/ koncerti i Merita Halilit elektrizon sheshin 'Skënderbej', kthehet në pistë vallëzimi

Krishtlindja në Tiranë/ koncerti i Merita Halilit elektrizon sheshin 'Skënderbej', kthehet në pistë vallëzimi

26 Dhjetor, 07:36