Erzeni - Partizani për meshkuj dhe Skënderaj - Skënderbeu për femra do të jenë 2 finalet e mëdha të Ligës "Gjergj Kastrioti 2022-2023" në volejboll. Pas përfundimit të gjysmëfinaleve të dyta, janë njohur finalistët të cilët do të përballen midis tyre në datën 1 mars në Kosovë.
Turneu i Ligës "Gjergj Kastrioti" zhvillohet për të dytin vit radhazi, organizim i cili vjen falë bashkëpunimit të ngushtë midis Federatës Shqiptare të Volejbollit (FSHV) dhe Federatës së Volejbollit të Kosovës (FVK).
Në ndeshjet e kthimit për meshkuj, Erzeni humbi 2-3 me sete me Ferizaj por falë fitores në ndeshjen e parë ia doli të sigurojë finalen. Nga ana tjetër, Partizani mundi pastër 3-1 Pejën.
![](https://shqiptarja.com/template/img/NO_ALFA_Kuadrate shqiptarja.png)
Në kategorinë e vajzave, Skënderaj mposhti FER Volley teksa Skënderbeu mundi 3-0 Partizanin.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)