Lista e aplikantëve, ja studentët
e rinj të cilët duhet të regjistrohen
PDF/Lista e plotë e aplikantëve

Publikohet emrat e studentëve që duhet të kryejnë regjistrimin ditën e sotme në Universitet. Në listën që ka publikuar Fakulteti Ekonomik dhe fakultetet e tjerë të Universitetit të Tiranës, janë emrat e fituesve që duhet të bëjnë regjistrimin.

Sipas Ministrisë së Arsimit kush nuk regjistrohet në degën që ka fituar, atëherë nuk mund të fitoj përsëri të njëjtën degë. ”Përkatësisht kuotat e mbetura të paplotësuara për secilën dege janë: 182 në Degën Financë, 240 në Degën Administrim Biznes, 107 në Degën Informatikë Ekonomike dhe 74 në Degën Ekonomiks”, - thuhet në një njoftim të Fakultetit Ekonomik.
 
Kuotat
Sot nis viti i ri akademik 2016-2017, por ende një pjesë e kuotave në universitetet publike nuk janë plotësuar. Janë rreth 4 mijë kuota të lira.

Burime të Report TV pranë Ministrisë së Arsimit bëjnë me dije se këto kuota do të plotësohen, pavarësisht se ditën e nesërme nis viti akademik.
Plotësimi i kuotave do të bëhet, duke hequr nga lista fituesit të cilët nuk regjistrohen. Nesër përfundon edhe minifaza e dytë, për kuotat e lira dhe ata maturantë që nuk regjistrohen, hiqen nga lisat, për t’ju lënë vendin, kandidatëve që nuk kanë fituar.

MAS u bën apel të rinjve që të kontrollojnë në portalin online të klasifikimit renditjen dhe në momentin që emri i tyre bëhet me ngjyrë jeshile, do të thotë se kanë fituar dhe duhet që të regjistrohen në Universitet, pranë sekretarive përkatëse.

Kjo procedurë sipas Ministrisë së Arsimit do të vijojë deri në datën 27 tetor, ku mendohet se do të plotësohen të gjitha kuotat e lira. 

Vetëm në Universitetin e Tiranës janë rreth 2 mijë kuota të lira, që pritet të plotësohen deri në datën 27 tetor.

Ndërkohë që Fakultetit Ekonomik thotë se janë 600 kuota bosh dhe vetëm në degën Administrim Biznesi, janë 240 vende të lira. 

Regjistrimi për minifazën e dytë përfundon në datën 20 tetor, në orën 19:00.

Faza pasardhëse do të jetë në datën 21-22 tetor dhe pas datës 22 tetor regjistrimet do të vijojnë në faza 48-orëshe.