Lista e PD-së/ Basha-Berisha hedhin në kosh Komisionin ‘Nishani’, fusin në listë emrat e ‘eliminuar’ që nga Shehu, Salianji tek Luan Baçi

Luan Baçi, Tritan Shehu dhe Ervin Salianji

1615239760_salianji.jpg

Lulzim Basha dhe Sali Berisha kanë hedhur përfundimisht në ‘kosh’ komisionin ‘Nishani’, duke rrëzuar produktin e tij, i cili përmes një procesi të trumbetuar fort si një praktikë moderne dhe demokratike, përzgjodhi pretendentët për kandidatë për deputetë, duke përjashtuar të papërshtatshmit. Të përjashtuarit nga komisioni ‘Nishani’, i ngritur mbi bazën e një vendimi të Lulzim Bashës, janë vendosur në krye të listës po nga Lulzim Basha, sigurisht me miratimin e Berishës.

Tritan Shehu, i përjashtuar nga Komisioni i Vlerësimit të Kandidatëve, do të kryesojë listën e kandidatëve për deputetë në Qarkun e Gjirokastrës. Shehu shpërtheu në kritika ndaj Komisioni, deklaroi mosnjohjen e tij si dhe paralajmëroi se kishte ‘punë’ vetëm me Lulzim Bashën.

Komisioni i Vlerësimit të Kandidaturave pati përjashtuar nga gara edhe ish-deputetin Ervin Salianji, të cilin Lulzim Basha e ka vendosur të tretin në Qarkun e Korçës. Basha ka sfiduar Komisionin edhe për Luan Baçin, i cili ndonëse ishte përjashtuar, e ka vendosur të katërtin në Fier. Jashtë kualifikimeve të Komisionit dhe vendimmarrjeve të strukturave të partisë, Basha ka përfshirë edhe Lefter Maliqin të shtatin në Berat.

Ndërkaq, Basha ka vendosur Xhelal Mziu në krye të listës në Dibër. Mizu nuk është përjashtuar nga Komisioni ‘Nishani’, por ka marrë një numër rekord votash kundra nga anëtarësia, 268 vota kundër tij, rezultat që konfirmon kontestimin e Mziut brenda PD-së.

Ndërkaq, Basha ka vendosur në krye të listës së kandidatëve për deputetë në Lezhë, Mark Marku, në konflikt interesi, pasi Marku ishte anëtar i Komisionit për Vlerësimin e Kandidatëve. I dyti në Lezhë është analisti Agron Gjekmarkaj, i vendosur jashtë vlerësimit të Komisionit. Jashtë propozimit të komisionit, janë përfshirë në listë në pozicione fituese aleatët Fatmir Mediu, Shpëtim Idrizi, Dashamir Shehi dhe Vangjel Dule.


Lajmi kryesor:

LISTA E PLOTE E PD/Basha i pari në Tiranë, fut në vend të sigurt aleatët, Nard Ndokën e lë të 8-in në Shkodër! Jashtë liste Genc Pollo e Klevis Balliu


I.K./B.K./Shqiptarja.com
  • Sondazhi i ditës:

    7 dite para zgjedhjeve, a ju janë ofruar para ose favore në këmbim të votës?



×

Lajmi i fundit

John

Situata nga COVID, Manastirliu: Në 24 orët e fundit janë vaksinuar 8,065 vetë, në total 332,905 persona