POP 5

Lajmet më të lexuara të 5 minutave të fundit

Politikë

Listat ‘gjysmë’ të hapura rrezikojnë përfaqësimin e grave në Kuvend, aktivistet Çepani dhe Meta: Të mbrohen përmes listave të mbyllura

Aplikimi për herë të parë i listave gjysmë të hapura e gjysmë të mbyllura, rrezikon që Kuvendi që do të dalë nga 11 Maji, të ketë më pak gra. Aktivistet Edlira Çepani dhe Gerta Meta, thanë për Report TV, se ky rrezik është më i madh në qarqet me pak deputetë, dhe ju bënë thirrje partive t’i mbrojnë gratë në listat e mbyllura.

Në mes të marsit, partitë do të dorëzojnë në Komisionin Qendror të Zgjedhjeve, dy lista me kandidatë për deputetë. Lista e mbyllur që e rendit partia dhe fitojnë të parët mandate, dhe lista e hapur, ku fituesit i përcakton vota preferenciale e zgjedhësit.

Ky kombinim që aplikohet për herë të parë, edhe pse formalisht plotëson kushtet që kandidatet gratë të jenë të paktën në masën 30%, në praktikë rrezikon të ulë përfaqësimin real, sidomos në qarqet e vegjël, ku lista e mbyllur është me 2 mandate.

“Në disa qarqe që kanë shumë pak mandate, pjesa e ndarjes mes listës së hapur dhe listës së mbyllur, mund të sjellë më pak përfaqësim.”, thotë Edlira Çepani, Qendra “Barazi në vendimmarrje”.

“Ka një lloj konfuzioni dhe nuk ka asnjë lloj sigurie, se si do të jetë renditja finale e grave”, shprehet Gerta Meta, Shoqata për Kulturë Demokratike.

Aktivistet Çepani dhe Meta ju bëjnë thirrje partive që t’i mbrojnë gratë, duke kandiduar shumë prej tyre në listën e mbyllur.

“Ligji në këtë drejtim nuk bën dot më shumë se kaq, por është shumë i rëndësishëm vullneti i partive politike, për të pasur një listë sa më gjithëpërfshirëse”, vijon Çepani.

“Sërish kjo situatë do të jetë në dorën e partive politike, për të parandaluar një garë të padrejtë dhe të pandershme mes kandidateve gra dhe burra”, thotë Gerta Meta.

Në vlerësimin e eksperteve, gratë kanë më pak shanse në terren, për të fituar betejën kokë më kokë me burrat në listat e hapura.

“Në listat që ata po përpilojnë të kenë njerëzit e duhur për komunitetet. Të zbatohet meritokracia dhe të jenë realisht ata njerëz që i duan shqiptarët dhe duan një Shqipëri më të mirë”, deklaron për Report Tv Edlira Çepani e Qendrës “Barazi në vendimmarrje”.

“Natyrisht dhe politika që bëjnë palët është që gratë i lënë në fund të listës, dhe kjo e vështirëson mundësinë e grave për të fituar garën. Dhe patjetër që kur janë kokë më kokë një burrë dhe një grua, ne e dimë që mbështetja është më e madhe për burrat, sepse edhe loja politike është shumë më e fortë, gratë janë më të tërhequra dhe më të kujdesshme”, vijon Gerta Meta e Shoqatës për Kulturë Demokratike.

Gjithsesi, në listën e hapur, ka një mekanizëm korrigjues. Të parët do të marrin mandat 2 më të votuarit, e nëse të dy janë burra, atëherë fituesi i tretë do të jetë gruaja më e votuar e listës, edhe nëse ajo ka marrë më pak vota se burrat. Sipas përllogaritjeve bazuar në rezultatet e parlamentareve të 2021-shit, pjesa dërrmuese e deputetëve, rreth 100 pritet të përcaktohen nga renditja e partive në listat e mbyllura, ndërsa vetëm 40 ligjvënësve pritet të dalin prej votës parapëlqyese të shqiptarëve.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Llokumi: 02/02/2025 13:40

    Grate ti marrin vet votat nese ske vota nuk shkohet ne parlament me 100 -1000 vota , pse grate jashte a nuk votojne? Perderisa as grate sju votojne tregon qe skeni puls

    Përgjigju
  • Sondazhi i ditës: 10 Mars, 10:37

    Grupi i PS në listë të hapur, përveç drejtuesve politikë, si iu duket?

Lajme të tjera



×

Lajmi i fundit

Durrës/ Debate në këshillin bashkiak për rialokimin e 8 mln eurove të papërdorura të rindërtimit, opozita voton kundër

Durrës/ Debate në këshillin bashkiak për rialokimin e 8 mln eurove të papërdorura të rindërtimit, opozita voton kundër

10 Mars, 20:26