Lobimi dhe degradimi i politikës së jashtme!

Zakonisht e thuajse gjithmonë lobimi ka qenë një mekanizëm për të forcuar politikën e jashtme të vendit dhe po ashtu për të arritur ose afirmuar prestigj ndërkombëtar, por gjithmonë është konsideruar mekanizëm për politika kombëtare e shtetërore!

Alban Daci
16 Shtator 2022, 21:55 | Përditesimi: 16 Shtator 2022, 21:58

Në këto momente të trazirave ndërkombëtare Shqipëria ka nevojë për më shumë se kurrë për lobim për të ndjekur e realizuar objektivat e saj ndërkombëtare ose për të afirmuar pozicionin e saj ndërkombëtar!

Po çfarë po ndodh ose çfarë ka ndodhur me lobimet shqiptare në këto vite? Ka rënë në nivele amatoriale e të turpshme duke u përdorur për manipulime ose karshillik të politikës së brendshme! Gjithashtu është kthyer në një mekanizëm fasadë që nuk prodhon politika konkrete, por vetëm thuajse mashtrim ndërkombëtarë për të treguar muskujt ndaj kundërshtarëve në politikën e brendshme!

LEXO EDHE:
Alban Daci: A po e 'blejnë' të drejtën kushtetuese për votuar shqiptarët që jetojnë jashtë?

Shkojnë në SHBA për të bërë një foto si për të dëshmuar mbështetje të fuqishme ndaj kundërshtarëve të tyre e në fakt kjo nuk prodhon asgjë, sepse shumë politikanë amerikanë as nuk kujtohen se me kë kanë bërë foto! Kjo lloj sjellje është sikur një Vip të kujtohet për autografet e tij që lëshon gjatë ditës!

Ky lloj lobimi fasadë e ka dëmtuar dhe e dëmton në fakt prestigjin ndërkombëtar të Shqipërisë! Tani, po shikojmë çdo ditë politikan ose pseudo personazhe që shkojnë e bëjnë foto tek dera e kongresin e shkruajnë dixhitura të ngjashme:

- Tani e mbrapa ditë më të mira për Shqipërinë

- Tani e mbrapa hallet e shqiptarëve do të mbarojnë

- Ditë më të mira

A thua se janë shpëtimtarë të Shqipërisë e të shqiptarëve? Në fakt shumica e tyre janë thjeshtë kloun! Politika amerikane funksionon vetëm mbi bazën e bashkëpunimit institucional e përmes kanaleve të tjera institucionale! Për të tjerat paratë e këtyre që i përdorin për lobimi e një foto, janë shpenzime të padobishme e sigurisht shpesh një kosto e tepërt dhe e panevojshme për xhepat e shqiptarëve!

SI.E./Shqiptarja.com

TAG: