Lobimi për statusin, Bushati
Gjosha dhe Tahiri në Hollandë

TIRANË - Hollanda është shteti i rradhës që tre ministrat shqiptarë, ai i Jashtëm, Ditmir Bushati, Ministrja e Integrimit Evropian Klajda Gjosha dhe Ministri i Brendshëm, Sajmir Tahiri po vizitojnë në kuadër të turit të nisur prej disa javësh me vendet anëtare të Bashkimit Evropian.
 
Ky shtet konsiderohet si ndër më striktët apo më skeptikët në qëndrimin e tij në lidhje me procesin e integrimit të Shqipërisë në BE. Vetëm 6 ditë përpara mbledhjes së Këshillit të Ministrave të Jashtëm të BE, ministrat Bushati, Gjosha dhe Tahiri, do të zhvillojnë sot në Hagë një sërë takimesh me përfaqësues të lartë të shtetit hollandez.
 
Takimi i parë është planifikuar me Këshilltarën e Kryeministrit Lesleyd’Huy. Në vijim do të zhvillohet një takim në senat me përfaqësues të Komisionit për Politikëtë Jashtme dhe Çështje Europiane.
 
Së bashku me Ministrin e Punëve të Jashtme, Ditmir Bushati dhe Ministrin e Brendshëm Sajmir Tahiri, do të dëshmohet për reformat e ndërmarra deri tani si dhe planin konkret të masave që qeveria po vë në zbatim për plotësimin e 5 prioriteteve kyçe të lëna nga Komisioni, duke u përqendruar sidomos në luftën kundërkorrupsionit dhe krimit të organizuar.
 
Gjatë vizitës në Hollandë, ministrat do të marrin pjesë në një seancë dëgjimore në Komisionin Parlamentar për Çështje të Bashkimit Europian, ku do të tregojnë konkretisht punën e qeverisë, si dhe vullnetin e vizionin e saj, ku procesi i integrimit mbetet një nga prioritetet më madhore të qeverisë.
 
Qëllimi i kësaj vizite, veç dëshmisë reale për progresin që kabërë vendi është edhe përmirësimi i imazhit të Shqipërisë,mjaft i rëndësishëm në një kohë kur vetëm pak ditë na ndajnënga vendimi për statusin.
 
Gjatë turit të takimeve të zhvilluara në Francë, Bruksel, Suedi dheshtete të tjera, delegacioni shqiptar i ministrave ka marrëvlerësime mjaft pozitive, ç’ka shpresohet të ndodhë edhe në këtë vizitë.
 
Redaksia online
(ac/shqiptarja.com)

TAG:
• lobimi