Londër/ ‘Llogaritë’ për Brexit do ti ‘ndajë’ Gjykata Supreme. ish-kryeministri konservator John Major në krahë të Johnson (VIDEO)

Në Gjykatën Supreme në Londër është dorëzuar kërkesa për ligjshmërinë e vendimit të Kryeministrit Boris Johnson për pezullimin e parlamentit për pesë javë.

Çështja e shtruar në gjykatë nga ana e konservatorëve, do të mbrohet nga avokatja Gina Miller, e cili tashmë ka një fitore të rëndësishme në anën e saj, faktin që marrëveshja me Bashkimin Evropian duhet të aprovohet nga Parlamenti.

"Asnjë kryeministër nuk ka shkelur ndonjëherë ligjin deri në këtë pikë në 50 vitet e fundit," tha avokati Miller David Pannick në gjykatë.

Edhe pse kërkesa e Johnson për pezullimin e parlamentit u nënshkrua nga mbretëresha, Gjykata Supreme e Edinburgut tashmë e ka shpallur të paligjshëm, një vendim jo detyrues por që do të merret parasysh nga gjykatësit e Londrës

Gjykimi në fillim të kësaj jave

"Nëse sipas Gjykatës Supreme vendimi i kryeministrit ka qenë jolegjitim, do të ndërmarrë çdo hap të nevojshëm për të përmbushur kërkesat e gjyqësorit", siguroi avokati i shtetit, Lord Richard Keen.

Masa e Boris Johnson, e krijuar enkas për të ‘hequr qafe’ parlamentin nga loja për Brexit në 31 tetor, nuk ka qënë e mjaftueshme për të parandaluar Westminster të aprovonte një mocion që përjashton daljen pa një marrëveshje.

Çështja do të debatohet pas dy ditësh; aktgjykimi pritet në fillim të javës tjetër. Nëse kryeministri humbet, siç ndodhi me gjykatën skoceze javën e kaluar, deputetët mund të ktheheshin në Westminster para 14 tetorit.

Një tjetër moment pikant do të jetë nesër, kur ish-kryeministri John Major do të dëshmojë në Gjykatë. Është befasuese që një ish-kryeministër konservator i del në krahë Boris Johnson.

Çfarë është Gjykata Supreme Britanike?

Është shkalla më e lartë e gjykimit në Mbretërinë e Bashkuar dhe ka fjalën e fundit për çështjet që prekin tërë popullatën.

Në Gjykatën Supreme janë gjithsej 12 gjykatës,por 11 do të vendosin për legjitimitetin e pezullimit të Parlamentit të kërkuar nga Boris Johnson. Shumica e thjeshtë në këtë rast do të jenë gjashtë anëtarë.

Pasi të merret vendimi, ata do të duhet të shkruajnë një memorandum për ta arsyetuar vendimin.

Simboli i Gjykatës Supreme është shkronja e fundit e alfabetit grek, omega, që do të thotë se është zgjidhja e fundit për qytetarin anglez.

Në krahasim me Gjykatat e tjera Supreme në botë, ajo britanike nuk ka fuqinë të anulojë vendimet e hartuar nga Parlamenti, sepse Dhomat në sistemin anglez janë sovrane.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Qeveria shpërblim 5 mijë lekë për pensionistët, si e vlerësoni?



×

Lajmi i fundit

Georgina Rodriguez në Katar, pritja e jashtëzakonshme që i është bërë bukuroshes (VIDEO)

Georgina Rodriguez në Katar, pritja e jashtëzakonshme që i është bërë bukuroshes (VIDEO)