LSI Shkodër: Nuk kemi lidhje me organizimin e protestës dhe dhunën e sotme, po ishim në protestë

Lëvizja Socialiste për Integrim i Shkodrës ka reaguar pas protestës së sotme dhe akuzave nga përfaqësuesit e PS-së për organizim të opozitës  të dhunës dhe shkatërrimeve.

"Përfaqësuesve të partisë së rilindjes nuk mund t’i bëjmë derman kur përdorin armët ndaj qytetarëve të pafajshëm dhe as kur po i bëjnë shqiptarët të marrin arratinë prej vendit të tyre, sepse nuk qeverisin por sundojnë. Sulmet ndaj selisë tuaj në Shkodër i dënojmë, ashtu si çdo dhunë tjetër të shfaqur në vendin tonë nga pushteti juaj që prej 7 vitesh mban peng Shqipërinë. Duke ju referuar deklaratës që dhatë nga Shkodra në krah të përfaqësuesve politik që keni në këtë qytet, e ndjejmë detyrë dhe obligim partiak, por edhe qytetar të reagojmë si LSI dega Shkodër. Ju bëjmë me dije se në gjithë këto vite të jetës tonë politike, nuk kemi shfaqur dhe as nuk do të shfaqim qoftë edhe për një moment të vetëm qëndrime pro dhunës. Taulant, po është e vërtetë që marshimit qytetar të thirrur nga shoqëria civile ju bashkua edhe LSI Shkodër, e cila është pro çdo proteste paqësore. Ne nuk kemi asnjë lidhje me organizimin e protestës dhe kurrsesi me dhunën. Dënojmë çdo akt të tillë të ndërmarrë ndaj pronës publike dhe ndaj çdo selie partie. Nëse je duke kërkuar fajtor, ke trokitur në derën e gabuar, pasi LSI Shkodër do të jetë përherë një forcë politike pro evropiane, e vlerave më të mira qytetare dhe e njerëzve që e duan vendin e tyre jo në tym e flakë, por të zhvilluar e me mirëqenie", thuhet në reagimin e LSI.

Lajmi kryesor:

Dhunë në Shkodër/ Të miturit në krye të 'rebelimit', shkatërrojnë selinë e PS! Mbërrijnë Balla dhe Beqaj: E organizoi PD-LSI, Monika të heqë dorë nga pagesat për minorenët

K.T./Shqiptarja.com

TAG:
• Shkoder
• voltana ademi
• Protesta
• vrasja e klodjan rashes