POP 5

Lajmet më të lexuara të 5 minutave të fundit

Politikë

LSI shpalos programin elektoral: Nuk jemi si Rama, na besoni! Ja oferta jonë për shqiptarët

Kryetarja e LSI-së, Monika Kryemadhi thotë se bashkë me grupin e punës po vijojnë hartimin e programit që në thelb ka uljen e papunësisë, rritjen e pagave dhe mirëqenies, uljen e akcizës për fermerët dhe mbështetjen e gruas

LSI shpalos programin elektoral: Nuk jemi si Rama, na besoni! Ja oferta jonë për shqiptarët

TIRANE-Lëvizja Socialiste për Integrim ka filluar hartimin e programit elektoral. Kryetarja e LSI-së, Monika Kryemadhi thotë se bashkë me grupin e punës po vijojnë hartimin e programit që në thelb ka uljen e papunësisë, rritjen e pagave dhe mirëqenies, uljen e akcizës për fermerët dhe mbështetjen e gruas. Kryemadhi sulmon Ramën teksa thotë se nuk do të premtojë parajsën "si ai me premtimet për 300 mijë vendet e punës dhe dëbuan nga vendi më shumë se 400 mijë të rinj dhe të reja".

Por, pavarësisht se ka nisur punën për programin, LSI dhe PD-ja nuk janë regjistruar për zgjedhjet lokale të 30 qershorit, madje kanë deklaruar se do i bllokojnë, pasi zgjedhje pa opozitën sipas tyre nuk mund të ketë. Ata kërkojnë një qeveri tranzitore që të përgatisë zgjedhjet e parakohshme dhe lokale pa Ramën kryeministër. Por Rama është shprehur i vendosur për zhvillimin e zgjedhjeve lokale të 30 qershorit, ndërsa ka paralajmëruar se ata që do të tentojnë bllokimin e procesit zgjedhor i pret burgu.

Postimi i plotë i Monika Kryemadhit
Sot së bashku me grupin e punës së programit të LSI. Pas një konsultimi të gjerë me shqiptarët filluam të hartojmë programin, i cili do t’i japë zgjidhje problemeve, që kanë kapur nga fyti jetën social-ekonomike të vendit.

Ne si LSI, nuk premtojmë parajsën, as zgjidhje të fantapolitikës, që bëhen për të rrëmbyer votat dhe pas zgjedhjeve ato hidhen në kutitë e plehrave. Ashtu siç ngelen vetëm në spote publicitare premtimet e Rilindjes për 300 mijë vendet e punës dhe dëbuan nga vendi më shumë se 400 mijë të rinj dhe të reja, burra dhe gra. Të “shëndetësisë falas”, që në fakt është shumë më e shtrenjtë se më parë. Uljes së taksave për 97% të shqiptarëve, që në fakt u kthye në “mrekullinë” e vetëm 4-5 oligarkëve, klientë të oborrit të Surrelit.

Ne si LSI, e kemi të shenjtë fjalën e dhënë. Ajo është detyrim për ne ndaj shqiptarëve. Programi ynë po hartohet për njerëzit e zakonshëm, për ata të cilët duan të ndërtojnë të ardhmen e tyre dhe të familjeve të tyre në Shqipëri.

Ne si LSI, duam t’i japim zgjidhje përfundimtare papunësisë dhe do e bëjmë të mundur këtë. LSI, si asnjë forcë tjetër politike shqiptare, e ka në themelin e programit të saj punësimin e shqiptarëve. Shqiptarë të punësuar me rroga të mirëpaguara, janë një garanci për të ardhmen e Kombit dhe familjes shqiptare.

Ne si LSI, do i kthejmë shpresën rinisë për ta parë veten dhe të ardhmen e tyre në Shqipëri, jo të marrin rrugët e emigrimit dhe do e realizojmë me çdo kusht këtë aspiratë. Dhe kush më mirë se ekipi i vajzave dhe djemve të LRI mund ta realizojë këtë.

Ne si LSI, në qendër të vëmendjes do të kemi përkrahjen ndaj gruas, ecjen përpara të saj në shoqëri, pavarësinë e saj ekonomike, që të mos kthehet në “skllave” të familjes, por në nënën e respektuar nga fëmijët, gruan e denjë në krah të burrit, vlerën e vërtetë të kombit. E kush më mirë se grupi i grave intelektuale, luftëtareve të pakompromise që ka LGI mund ta realizoje këtë.

Ne si LSI, do ndryshojmë thellësisht qasjen e deritanishme të politikës ndaj 50% të shqiptarëve. Ata janë konsideruar si qytetarë të dorës së dytë, nga shërbëtorët qeveritarë të oligarkëve dhe krimit. Fermerët dhe blegtorët, kontribuesit e 22% të PPB së vendit do marrin mbrapsht nga buxheti i shtetit kontributin e tyre në ekonominë shqiptare. Subvencionimi do të jetë për çdo kokë bagëti, për çdo koshere blete, çdo dynym të mbjellë, për çdo serë të ndërtuar, direkt te fermeri duke hequr hallkat dhe burokracitë e deritanishme ku fermerët harxhonin më shumë kohë dhe para për aplikime, se sa përfitonin nga subvencionet.

LSI do heqë akcizën e naftës për fermerët. Unë i jam përkushtuar personalisht kësaj pjese të programit dhe do jem çdo dite, në çdo fshat, në çdo shtëpi së bashku me ta për ta realizuar deri në fund këtë program që do ndryshojë realisht jetën e fermerit dhe blegtorit, të familjeve të tyre. LSI nuk ka bërë ndonjëherë propagandë me fjalë boshe, por edhe si më parë fjala e LSI, është fjalë e mbajtur!

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Meta: 04/05/2019 09:43

    Monika po e thot te verteten. Nuk jane si Rama e PS ,Keta jane ordiner hajdut,shikojeni pasurit e tyre dhe binduni.Keta jane "atlet"politik.shikojni nuk rrijne ne opozite,kercejne here kendej e here andej.Nuk jane si Rama e PS-ja,kane vila te shtrenjta ne Shqiperi,Monika dhe Ilir Floriri vile kane edhe ne Beograd.Besoni Monikes,Nuk eshte si Rama,kjo eshte femer, Rama mashkull.

    Përgjigju
  • xreport: 03/05/2019 20:27

    nuk jemi si rama....... ne jemi hajdut dhe kriminel na votoni

    Përgjigju
  • AriuhëngripiuponëfundeqinAriun: 03/05/2019 18:13

    Na besoni dhe njëherë që tju rrjepim për të 100 se 99 ju kemi rrjepur.

    Përgjigju
    • xreport: 07/05/2019 12:16

      i modh hahahahha

  • Raul: 03/05/2019 16:59

    Në krye të grupit punës është Ideollog'j nderplanetare, ndërkombëtare, kozmike e leshitdhise Kejdi dhembcakallja me shkollë të mesme mesatare 6 dhe Nora Bythderrja gjithollog'ja , dhe Keta sharebajgat duan prapë pushtet që na kanë neveritur ekranin me bllokim të rrugëve si në asnjë vend të planetit.

    Përgjigju
  • undheti: 03/05/2019 16:46

    uauuu...ja hodhem by***s me ty ne krye..ik moj pler....po sa do vidhni nuk e keni shkruajtur....

    Përgjigju
    • Tosi: 03/05/2019 18:59

      Bo çfarë poze, Nafije Fallxhorja duke hartuar planin e zhvillimit ekonomik pasi të vijnë në pushtet në vitin 2029 kur të qe qethen delet

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Rikthehet Broja, sulmuesi gjen minutat e para për këtë sezon me Everton U-21

Rikthehet Broja, sulmuesi gjen minutat e para për këtë sezon me Everton U-21

26 Nëntor, 07:28