Lufta ndaj koronavirusit/ BE jep 30 milionë euro për Ballkanin Perëndimor

Bashkimi Europian ka miratuar një fond ndihme prej 30 milionë euro për vendet e Ballkanit Perëndimor, që po përballen në luftën me koronavirusit, i cili ka trokitur në dyert të gjitha shteteve të rajonit. Ky fond do të shkojë në mbështetje urgjente që nevojitet për pajisjet mjekësore në këto vendet. Ndërsa në lidhje me ndikimin dhe pasojat negative që Covid 19 po shkakton në ekonomitë e të gjithë vendeve të prekura prej tij, BE është duke shqyrtuar masa se si të zbutet ky ndikim negativ.

Lajmi u dha nga komisioneri për Zgjerim, Oliver Varhelyi, i cli shkruan në twitter se BE është në mbështetje të plotë të Ballkanit Perëndimor në masat e marra ndaj pandemisë së koronavirusit dhe përballimin e saj.

"Në të njëjtën kohë ne punojmë shumë për të mbështetur Ballkanin Perëndimor në përgjigjen  ndaj shpërthimit të pandemisë së koronavirusit. Ne mobilizuam 30 milionë euro për mbështetje të shpejtë të pajisjeve mjekësore dhe po shqyrtojmë masa për të zbutur ndikimin negativ ekonomik të kësaj krize", shkruan Varhelyi.

Lajmi kryesor:

Lufta ndaj koronavirusit/ BE jep 50 milionë euro për Shqipërinë për pajisje mjekësore dhe rimëkëmbje ekonomike

/b.ha./Shqiptarja.com

TAG:
• BE
• fonde
• Koronavirus
• koronavirusi ne shqiperi