TIRANË- Përshkallëzohet në të gjitha format e mundshme lufta mes Sali Berishës dhe Lulzim Bashës për kontrollin e Partisë Demokratike. Krahas Kuvendit-miting, statutit paralel, strukturave paralele, të ashtuquajturit Komision për Rithemelimin e PD-së, disa tentativave për të pushtuar me forcë selinë e partisë dhe thirrje e një proteste për të rrethuar selinë në 8 janar, Sali Berisha ka vendosur të dublojë edhe ‘Rilindjen Demokratike’, organin zyrtar të Partisë Demokratike. Ditët e fundit, një faqe e re online paralele si dhe një llogari në rrjetin social Facebook, janë hapur në emër të Rilindjes Demokratike. RD-ja paralele duket se kontrollohet nga Blendi Kasmi, kryeredaktori i Gazetës ‘Rilindja Demokratike’.
Blendi Kasmi është rreshtuar në krah të Berishës. ‘RD’-ja paralele që kontrollohet prej tij për llogari të Berishës mban të njëjtat simbole si ‘RD’-ja zyrtare. Faqja zyrtare e ‘RD’-së, bashkë me llogarinë zyrtare në rrjetet sociale (rd.al dhe Rilindja Demokratike) kontrollohet nga Lulzim Basha, pasi në këtë faqe pasqyrohen qëndrimet e Bashës dhe të mbështetësve të tij, ndërsa nuk gjejnë pasqyrim qëndrimet e Berishës dhe grupit të tij. Ndërsa ‘RD’-ja paralele e Berishës pasqyron vetëm qëndrimet e Berishës, grupit të tij, sulmet ndaj Lulzim Bashës dhe SHBA-ve.
Krahas dublimit të ‘RD’-së, ka disa sinjale që ngrenë dyshime se Sali Berisha mund t’i ketë ‘rrëmbyer’ Lulzim Bashës edhe institucionin e Avokatit të Popullit. Përfaqësues të këtij institucioni, i cili sipas Kushtetutës duhet të jetë i pavarur dhe që mbron të drejtat e të gjithë qytetarëve, shfaqen në rolin e analistëve në televizionin që kontrollohet nga Familja Berisha, televizion i cili është kthyer në një armë nga Berisha kundër Bashës.
Institucioni i Avokatit të Popullit iu dha opozitës në maj të vitit 2017 në kuadër të marrëveshjes Rama-Basha, për të nxjerrë PD-në nga çadra. Basha emëroi në krye të Avokatit të Popullit, Erinda Ballancën, ish bashkëshortja e analistit Andi Bushati. Ballanca njihet jo vetëm për pasuri përrallore, por edhe si ish-avokate e Sali Berishës, por edhe vjehrrit të Lulzim Bashës për pallatin e shembur në Vlorë. Me djegien e mandateve dhe bojkotimin e zgjedhjeve të 2019, Avokati i Popullit ishte i vetmi pushtet që i kishte mbetur PD-së.
Ndërkaq, dita e nesërme është afati i fundit që Sali Berisha i ka lënë Lulzim Bashës për t’u larguar nga selia e PD-së bashkë me lindershipin. Basha i është përgjigjur duke ‘fortifikuar’ më tej selinë, duke i paraprirë një sulmi të mundshëm të Berishës, i cili si gjithnjë nxjerrë në skenë mbështetësit e tij. Krahas betejës fizike për selinë, Berisha dhe Basha kanë nisur edhe një betejë në gjykatë, për legjitimimin e statuteve.
Sali Berisha ka dërguar në gjykatë për konfirmim statutin që miratoi në Kuvendin e 11 dhjetorit 2021, një Kuvend i mbledhur në mënyrë të paligjshme dhe në bazë të rregullave të sajuara nga Berisha. Në gjykatë për konfirmim ka dërguar edhe Lulzim Basha statutin e ndryshuar të PD-së, ndonëse 5 muaj më vonesë. Konflikti në PD nisi në 9 shtator 2021, ditën kur Lulzim Basha, pas një ultimatumi nga SHBA, pezulloi Sali Berishën si anëtar të grupit parlamentar të PD-së, për shkak se ishte shpallur non grata për korrupsion madhor, shantazh ndaj drejtësisë dhe minim të demokracisë.
RD-ja zyrtare
RD-ja e Berishes
Lajme të tjera
-
'Video e Shkëlzenit te zyra e Priftit!' Gazetari Doçi zbulon në 'Studio Live': Si e shantazhoi Meta, Berishën, kur ia kopsiti dosjen në 2009! Noka në hetim pasuror! Nga i pastrehë, me pasuri 1 mln euro
4 Nëntor, 19:22 -
Dosja 'Meta'/ Adriatik Doçi në 'Studio Live': Ja cilët persona përdori si bankomat! Është faktuar se ndërhyri për rritjen e çmimit të energjisë
4 Nëntor, 19:14 -
SHËNIM/ Modeli i Lindës dhe modeli i Lirisë si grua kryeministri
4 Nëntor, 16:15 -
Berisha denoncon punimet në Unazën e Madhe: Lubi Balluku e ndau në 14 lote për të vjedhur! Ndërtojnë me çmime 10-fish më të larta se Kroacia! Të bëjmë betejë për minimumin jetik 200 euro
4 Nëntor, 13:29 -
Masakra në Shkodër dhe vizita në Selanik, Berisha akuza Ramës nga ballkoni: Viktima të krimit të mafias shtetërore, të licencuara për mandatin e tij!
3 Nëntor, 19:44 -
Edison Ypi: Versioni më i mirë i vetes
3 Nëntor, 15:37
-
Mosbindje civile apo provokim: Çfarë ishte 'marshimi' i PD në Shkodër?
2 Nëntor, 18:25
-
Kemi Badenoch liderja e re e Partisë Konservatore në Angli, Basha: Arritje e jashtëzakonshme
2 Nëntor, 14:50 -
PD në Shkodër marshim protestë: Qytetërimi asht ma i fortë se krimi! Po na vrasin, duhet reagim! Kërkojnë lirimin e Berishës e qeveri teknike! (FOTO+VIDEO)
2 Nëntor, 12:10 -
Toska zbulon në 'Studio Live': Basha do bashkohet me Berishën para zgjedhjeve! Haklaj: Nuk afrohet me non gratën! Ai po nis dhe Gaz Bardhin në burg
1 Nëntor, 21:03 -
Meta në burg, Alibeaj për Report Tv: U arrestua ish-presidenti, e çfarë pastaj, të gjithë para ligjit të barabartë! Berisha kërkon të shesë qeverinë teknike si karamele, i paaftë të fitojë zgjedhjet
1 Nëntor, 17:58 -
Në mitingje sulmojnë SHBA-të si të korruptuara, por në takime me të deleguarën e ambasadës deputetët e PD i shkojnë ‘me vrap’!
1 Nëntor, 12:42
