UKRAINË- Bilanci i viktimave nga sulmi ukrainas në qendrën stërvitore në Makiivka, sipas shifrave zyrtare është përkeqësuar. Ushtarët e vrarë, sipas Ministrisë së Mbrojtjes së Federatës Ruse të cituar nga Tass , janë 89. Sipas Ministrisë së Mbrojtjes Ruse ishte përdorimi i celularëve që favorizoi sulmin, duke shkaktuar masakrën e ushtarëve në natën e ndërrimit të viteve. Por blogeri i famshëm rus WarGonzo ka mohuar shifrat zyrtare duke u shprehur se janë më shumë viktima.
"Të vdekurit janë shumë më tepër, dhe justifikimi i telefonave celularë është një mashtrim"
Zëdhënësi i inteligjencës ushtarake ukrainase, Andrii Cherniak ka shpresën se ushtria ruse do të humbasë deri në 70 mijë burra në 4-5 muajt e ardhshëm.
“Rusia ka të ngjarë të vazhdojë operacionet sulmuese këtë vit”, tha Cherniak, duke shtuar se rusët e kuptojnë se do të humbasin në fushën e betejës, por nuk duan t'i japin fund luftës.
Teksa kemi mbërritur në ditën 315 të rezistencës, presidenti ukrainas Zelensky tha se nuk do të dorëzohen.
“Ne po luftojmë dhe do të vazhdojmë të luftojmë. Fitorja do të vijë me siguri", shkroi presidenti ukrainas Volodymyr Zelensky në Telegram , duke postuar disa foto nga territoret e vendit të pushtuar nga rusët.
Presidenti turk Recep Taip Erdogan pritej të zhvillonte bisedime me Vladimir Putin dhe Volodymyr Zelensky teksa vijonin përpjekjet që t'i ulë në një tryezë për të diskutuar rreth paqes dhe fundit të luftës.
Ndërkohë, Ukraina dhe Bashkimi Evropian do të mbajnë një takim në Kiev më 3 shkurt për të diskutuar mbështetjen financiare dhe ushtarake, tha zyra e Presidentit Volodymyr Zelensky në një deklaratë të lëshuar të hënën. Presidenti Zelensky diskutoi detajet e takimit të nivelit të lartë me Presidenten e Komisionit Evropian Ursula von der Leyen në telefonatën e tij të parë të vitit, thuhet në deklaratë.
Skenari se ‘Putin është i sëmurë’ është shumë i pranishëm edhe ndër figurat e rëndësishme. Besimin se ai vuan nga kanceri dhe se do të vdesë shumë shpejt, e shprehu edhe kreu i shërbimeve sekrete të ushtrisë ukrainase, Kirlo Budanov, për rrjetin amerikan ABC, duke cituar “burime pranë presidentit Putin”.
Në të njëjtën kohë, kreu i shërbimeve të inteligjencës vazhdoi me pranimin indirekt, por jo të qartë, se Ukraina është e lidhur me sulmet ndaj bazave ajrore ruse brenda territorit të Rusisë. Kreu i shërbimeve sekrete të ushtrisë ukrainase pret sulme të reja në thellësi të territorit rus, por nuk pranoi përfshirjen e Ukrainës në to.
Gjatë intervistës ai u pyet për sulmet e bazës ajrore (të paktën tre sulme të ngjashme u kryen në dhjetor, i fundit më 26 dhjetor), por ai tha (duke folur në anglisht) se nuk mund t’i përgjigjej kësaj pyetjeje deri pas përfundimit të luftës.
Shtetet e Bashkuara po konsiderojnë se si të synojnë prodhimin iranian të dronëve përmes sanksioneve dhe kontrolleve të eksportit dhe po bisedojnë me kompanitë private, komponentët e të cilave janë përdorur në prodhim, tha Shtëpia e Bardhë
"Ne jemi duke vlerësuar hapa shtesë në drejtim të kontrolleve të eksportit për të kufizuar aksesin e Iranit në teknologjitë e dronëve," tha në një deklaratë zëdhënësja e Këshillit të Sigurisë Kombëtare të Shtëpisë së Bardhë, Adrienne Watson.
Shtetet e Bashkuara kanë vendosur tashmë sanksione ndaj kompanive dhe individëve të akuzuar për prodhimin ose transferimin e dronëve iranianë që Rusia i ka përdorur për të sulmuar infrastrukturën civile në Ukrainë.
Ministria e Jashtme ruse ka përjashtuar Italinë si një shtet që mund të ruajë rolin e ndërmjetësuesit mes Rusisë dhe Ukrainës.
Në deklaratën e tyre theksohet se Italia mbështet haptazi Ukrainën dhe mban qëndrim agresiv anti-rus.
"Italia nuk mund të ndërmjetësojë midis Rusisë dhe Ukrainës, sepse mbështet regjimin e përgjakshëm në Kiev dhe mban një qëndrim agresiv anti-rus".- thuhet në njoftim.
Dy persona u vranë kur një bombardim nga forcat ukrainase goditi një ndërtesë banimi në Vasilyevka , në pjesën e rajonit të Zaporizhzhia të pushtuar nga forcat ruse, në jug të Ukrainës. Këtë e deklaroi Vladimir Rogov , anëtar i administratës civile lokale.
Sipas Rogov, raketat e Himars të lëshuara nga forcat e Kievit që supozohet se kishin për qëllim shtabin e komandës ushtarake lokale, në vend të kësaj goditën një ndërtesë apartamentesh aty pranë.
Presidenti turk Rexhep Tajip Erdogan do të zhvillojë sot biseda me presidentin rus Putin dhe presidentin ukrainas Zelensky.
"Është diçka që vetëm Turqia mund ta bëjë," tha kryekëshilltari i Erdoganit, Ibrahim Kalin.
Erdogan vijon përpjekjet e tij ndërsa ka deklaruar se qëllimi është të ulë presidentin e Rusisë dhe Ukrainës në të njëjtën tryezë.
Kremlini është fokusuar që të shkëpusë ndihmën gjermane për Ukrainën, vendi i dytë pas Amerikës që kontribuuon më shumë për Kievin. Agjentët e fshehtë të Kremlinit dikur përdornin komunizmin në Lindje, ndërsa sot të djathtën ekstreme.
Lufta në Ukrainë ka dhe përmasën e saj jashtë syve të publikut, betejën agjenturore.
Sipas një hetimi të gazetarëve të “Reuters”-it, agjentët që mbështesin Putinin në Gjermani po punojnë për ta kthyer Berlinin kundër Ukrainës. Agjencia ndërkombëtare e lajmeve zbuloi se figurat kryesore që bëjnë fushatë që Gjermania të ndryshojë kursin në Ukrainë, përdorin emra të rremë për të fshehur lidhjet me qeverinë ruse, ndërsa kanë lidhje edhe me të djathtën ekstreme në Gjermani.
Hetimi disamujor i “Reuters”-it tregon për fushatën që ata bëjnë nëpër rrugë dhe kafene, sikundër edhe në internet për të përhapur propagandën e Kremlinit në Gjermani.
Në thelb, propaganda në faqet e internetit lidhet me fijet e vjetra sovjetike me lindjen komuniste në Gjermani dhe se si rusët dhe gjermanët kanë pasur politika të mira energjetike me njëri - tjetrin.
Shumica e gjermanëve mbështesin Ukrainën në këtë luftë, por çmimet e larta të gazit dhe rritja e inflacionit si pasojë e luftës, por përdoret nga Kremlini dhe propagandistët pro tij si instrument për të ndikuar te qasja e gjermanëve ndaj luftës.
Gjermania është ekonomia më e madhe e Evropës dhe mbështetësja e dytë pas Amerikës për Kievin.
Rajoni Kherson në Ukrainë goditët për herë të dytë nga sulmet ruse. Është shpallur sërish alarm ajror në të gjithë rajonin.
Sipas autoriteteve ushtarake, ushtria ruse bombardoi territorin 73 herë gjatë ditës së fundit, duke përdorur artileri, MLRS, mortaja dhe tanke. Këtë e kanë raportuar mediat ukrainase.
Ndërkohë, alarmi ajror vijon në disa rajone të Ukrainës pasi një MiG dhe tre avionë të tjerë luftarakë rusë u ngritën nga Bjellorusia, sipas grupit të monitorimit “Belarusian Gayun”
Kryeministri britanik, Rishi Sunak, i ka thënë presidentit Volodymyr Zelensky se Ukraina duhet të ndihet e sigurt në mbështetjen e Britanisë së Madhe në një plan afatgjatë.
Biseda mes dy liderëve ndodhi më 3 janar, kjo pas sulmeve të fundit me dronë nga Rusia.
Rusia që nga tetori po kryen sulme me dronë dhe raketa ndaj infrastrukturës energjetike të Kievit, duke lënë miliona ukrainas pa furnizim me rrymë duke dhënë edhe goditjen më të fundit me shpërthimet në Krime.
Sunak vizitoi për herë të parë Kievin në nëntor, pasi mori detyrën në fund të tetorit. Gjatë vizitës në Ukrainë, ai tha se Londra do t'i jap Kievit ndihmë ushtarake në vlerë prej 59.4 milionë dollarësh, duke përfshirë armë kundër-ajrore dhe teknologji anti-dronë.
Ish-kryeministri britanik, Boris Johnson kishte deklaruar në korrik se mbështetja britanike për Ukrainën “nuk do të lëkundet” pavarësisht se kush do të bëhet kryeministri i ardhshëm i vendit të tij.
Britania, Shtetet e Bashkuara dhe Bashkimi Evropian kanë sanksionuar individë të ushtrisë iraniane dhe kompani të mbrojtjes, për përfshirjen e tyre në furnizimin e Rusisë me dronë iranianë.
Mëngjesin e sotëm janë raportuar shpërthime në Sevastopol dhe në zonat përreth qytetit, në Krime.
Sipas Radio Svoboda, mbrëmjen e djeshme ka pasur edhe shpërthime të tjera pranë aeroportit ushtarak të Belbekut, po në Krime, i aneksuar në mënyrë të njëanshme nga Rusia.
Edhe banorët e Simferopolit kanë shkruar në rrjetet sociale se kanë dëgjuar zhurmën e shpërthimeve pranë aeroportit Belbek.
Komente
Lajme të tjera
-
Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat
26 Dhjetor, 08:46 -
Zbulohen profecitë e Baba Vangës për vitin 2025: Alienët me apokalips, ilaçi kundër kancerit dhe nanoteknologjia! Çfarë u realizuan dhe çfarë jo më 2024
25 Dhjetor, 17:38 -
25 vjet Putin, nga miku në armik
25 Dhjetor, 12:41 -
Lufta/ Rusia sulm masiv me raketa në Kharkiv ditën e Krishtlindjes! Zelensky: 2025 të bëhet viti i paqes për Ukrainën
25 Dhjetor, 08:15 -
Kërcënimi nga Rusia/ Rilindje për 'Eurofighter', Evropa po blen avionë luftarakë miliarda dollarësh
24 Dhjetor, 22:05 -
Lufta në Ukrainë/ Përplasje mes Bratislavës dhe Kievit, Zelensky: Fico dëshiron të ndihmojë Putinin
24 Dhjetor, 07:32 -
Seuli: Mbi 1000 koreanoveriorë të vrarë apo të plagosur duke luftuar për Rusinë
23 Dhjetor, 22:43 -
Seuli thotë se Koreja e Veriut po përgatitet të dërgojë më shumë trupa dhe armë në Rusi
23 Dhjetor, 13:05 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11 -
Lufta në Ukrainë/ Më shumë se 1000 ushtarë të Koresë Veriut kanë rënë në front për Rusinë
23 Dhjetor, 08:18 -
Sulmi me dron në Kazan, Putin kërcënon sërish Ukrainën: Do përballen me shkatërrime më të mëdha ata që përpiqen të shkatërrojnë diçka në vendin tonë
22 Dhjetor, 16:45 -
Prag Krishtlindjesh, Papa Françesku bën thirrje për armëpushim në Gaza dhe Ukrainë
22 Dhjetor, 15:32
Si duket lufta do ashpersohet me shum Satelitet spiun europjan po e ngopin me informaciin ukrainen dhe ajo ben goditje precize du vrar shum ushtar Tani raprezaljet ruse do bien mbi popullin martir ukrainas Dhe ne fund kush do fitoj un mendoj qe do fitojn lobet e armeve dhe do shkaterrohet ukraina
PërgjigjuMe gjithe ata meshkuj qe po ikin, i fituar del vetem hallati or teeeejjjjj